నవ తెలంగాణ- బీబీనగర్‌
తెలంగాణ సంస్కృతీ, సాంప్రదాయాలకు ప్రతీక బతుకమ్మ పండుగ అని రైతు సమన్వయ సమితి మండల కోఆర్డినేటర్‌ బొక్క జైపాల్‌ రెడ్డి అన్నారు, మంగళవారం నాడు మండల పరిధిలోని అన్నంపట్ల గ్రామంలో తెలంగాణ రాష్ట్ర ప్రభుత్వం తేలిగింటి ఆడపడుచులకు అందజేసే బతుకమ్మ చీరలను పంపిణీ చేశారు. సందర్భంగా ఆయన మాట్లాడుతూ చేనేత కార్మికులకు ఉపాధి కల్పిస్తూ రాష్ట్ర మహిళలకు ఆడపడుచులకు చీరలు పంపిణీ చేయడం తెలంగాణ ప్రభుత్వం యొక్క గొప్పతనం అని అన్నారు. ఈ కార్యక్రమంలో గ్రామ సర్పంచ్‌ బొక్క వసుమతి జైపాల్‌ రెడ్డి, ఉపసర్పంచ్‌ కొండల్‌ రెడ్డి, వార్డు సభ్యులు, గ్రామ పెద్దలు, మహిళలు, తదితరులు పాల్గొన్నారు.
వలిగొండరూరల్‌: మండల పరిధిలోని అక్కంపల్లి గ్రామంలో మంగళవారం ఎంపీటీసీ నోముల మల్లేష్‌ చీరలు పంపిణీ చేశారు. ఈ కార్యక్రమంలో సర్పంచ్‌ గుడిసె రాజేశ్వరి నరసింహ, వార్డ్‌ నెంబర్‌ రాజేశ్వరి, వి బి కే సరళ, మహిళా సంఘం అధ్యక్షురాలు రాణి, మరియు గ్రామస్తులు పాల్గొన్నారు.
