నవతెలంగాణ-అనంతగిరి
విద్యుద్ఘాతంతో వ్యక్తి మృతి చెందిన సంఘటన మండలంలోని వాయిలసింగారంలో మంగళవారం చోటుచేసుకుంది.ఏఎస్సై ఇస్మాయిల్‌ తెలిపిన వివరాల ప్రకారం.. వాయిలసింగారం గ్రామానికి చెందిన బుర్రాపుల్లయ్య మధ్యాహ్న సమయంలో తన పొలానికి అదే గ్రామానికి చెందిన బొల్లమల్ల శేషగిరితో పొలంలో మందు పిచికారీ చేయిస్తుండగా గత రాత్రి కురిసిన భారీ వర్షానికి పొలంలోని కరెంట్‌ వైరు తెగి పోవడంతో అట్టి వైరును గమనించకపోవడంతో శేషగిరి కాలుకు వైరు తగిలి కరెంట్‌ షాక్‌ కొట్టింది. పక్కనే ఉన్న బుర్ర పుల్లయ్య శేషగిరిని కాపాడే క్రమంలో విద్యుద్ఘాతమై అక్కడికక్కడే మృతి చెందాడు.మృతుని కుమారుడు బుర్ర సైదులు ఫిర్యాదు మేరకు పోలీసులు కేసు దర్యాప్తు చేస్తున్నారు.