నవతెలంగాణ-మునుగోడు
మునుగోడు ఉప ఎన్నిక పోటీ టీఆర్‌ఎస్‌, కాంగ్రెస్‌ మధ్యలోనే ఉంటుందని, హుజూర్‌ నగర్, నాగార్జునసాగర్‌లో జరిగిన ఉప ఎన్నికల్లో బీజేపీకి డిపాజిట్‌ కోల్పోయిన తరహాలో మునుగోడు ఉప ఎన్నికల్లో కూడా మూడో స్థానంలో ఉంటుందని తుంగతుర్తి ఎమ్మెల్యే గాదరి కిషోర్‌ అన్నారు. బుధవారం మండల కేంద్రంలోని మార్కెట్‌ యార్డ్‌లో నిర్వహించిన దళిత ఆత్మీయ సమ్మేళనం, వనభోజన కార్యక్రమానికి ఆయన ముఖ్య అతిథులకు హాజరై మాట్లాడారు. గత పాలకుల హాయంలో పాత ఇండ్లకు కలర్లు వేసి బిల్లులు తీసుకునేవారని ఆరోపించారు. దళిత బందుపై దళితుల్లో ఉన్న అపోహలను తొలగించేందుకు ఈ దళిత వనభోజనం కార్యక్రమం పెట్టి దళితలతో మాట ముచ్చటతో ప్రజల్లో అవగాహన కల్పించేందుకు ఈ కార్యక్రమం చేపట్టామన్నారు. ఈ ఉప ఎన్నికల్లో టిఆర్‌ఎస్‌ అభ్యర్థులను గెలిపించి కేసీఆర్‌కు కానుకగా ఇవ్వాలని అందుకు ప్రతి ఒక్కరు కంకణ బద్దులై పోరాడాలన్నారు. ఈ కార్యక్రమంలో మునుగోడు, సూర్యాపేట ఎంపీపీలు కర్నాటి స్వామియాదవ్‌, నెమ్మని బిక్షం, టిఆర్‌ఎస్‌ మండల పార్టీ అధ్యక్షుడు బండా పురుషోత్తంరెడ్డి, మండల ప్రధాన కార్యదర్శి పగిల్ల సతీష్‌, నాయకులు నగరకంటి స్వామిగౌడ్‌ ,బొడ్డు నాగరాజుగౌడ్‌, తదితరులు పాల్గొన్నారు.
