నవతెలంగాణ-చౌటుప్పల్‌
మునుగోడు నియోజకవర్గంలో రానున్న శాసనసభ ఉప ఎన్నికల్లో టీఆర్‌ఎస్‌ను గెలిపించాలని మార్కెట్‌, సింగిల్‌విండోచైర్మెన్లు బొడ్డు శ్రీనివాస్‌రెడ్డి, చింతల దామోదర్‌రెడ్డిలు కోరారు. గురువారం మున్సిపాలిటీ పరిధిలోని తాళ్లసింగారం గ్రామంలోని దళితవాడలో ఆత్మీయ సమ్మేళనం నిర్వహించారు. ఈ సందర్భంగా భోజనాలు ఏర్పాటుచేశారు. అంతకుముందు దళితవాడలో తిరుగుతూ ఇంటింటికి టీఆర్‌ఎస్‌ ప్రభుత్వం చేపడుతున్న అభివృద్ధి సంక్షేమ పథకాలను వివరించారు.దళితులందరికి దళితబంధు వస్తుందని చెప్పారు. సీఎం కేసీఆర్‌ బలపర్చిన మునుగోడు టీఆర్‌ఎస్‌ అభ్యర్థి కారు గుర్తుకు ఓట్లు వేసి భారీ మెజార్టీతో గెలిపించాలని కోరారు. ఈ కార్యక్రమంలో టీఆర్‌ఎస్‌ మున్సిపాలిటీ అధ్యక్షులు ముత్యాల ప్రభాకర్‌రెడ్డి, కౌన్సిలర్లు కోరగోని లింగస్వామి, ఎమ్‌డి.బాబాషరీఫ్‌, నాయకులు బత్తుల స్వామి, బొంగు నాగేశ్‌, మల్లేశ్‌, నల్ల గణేశ్‌, గుత్తా శ్రీధర్‌రెడ్డి, సుక్క మల్లయ్య, నర్సింహ పాల్గొన్నారు.
