నవతెలంగాణ- భువనగిరిరూరల్‌
వ్యాపన రైతు ఉత్పత్తి దారుల సంస్థ ఆధ్వర్యంలో తయారు చేసిన అగరుబత్తులను వ్యాపన అగర్‌బత్తిలను శనివారం కలెక్టర్‌ కార్యాలయంలో కలెక్టర్‌ పమేలా సత్పతి చేతులమీదుగా విడుదల చేశారు. ఈ సందర్భంగా కలెక్టర్‌ మాట్లాడుతూ వ్యాపన ఎఫ్‌పీసీి చెందిన మహిళా రైతులు యాదాద్రి దేవస్థానంలో శ్రీ లక్ష్మీ నరసింహస్వామి వారికి అలంకరించిన పవిత్రమైన పువ్వుల నుండి అగరు బత్తుల తయారీకి శ్రీకారం చుట్టారన్నారు. ఈ అగరు బత్తులు వ్యాపన పేరు మీదుగా మార్కెట్‌ లోకి విడుదల అయ్యాయని తెలిపారు. ఈ కార్యక్రమంలో అదనపు కలెక్టర్‌ దీపక్‌ తివారి, డీఆర్‌డీఓ పీడీ మందడి ఉపేందర్‌ రెడ్డి, డీహెచ్‌ఎస్‌ఓ అన్నపూర్ణ, వ్యాపన డైరెక్టర్లు చీర శ్రీనివాస్‌, గట్టికొప్పుల మచెందర్‌, దూసరి రాఘవేంద్ర, పల్లా జితేందర్‌ రెడ్డి, వడ్డేపల్లి సుదీర్‌, రాజశేఖర్‌, మధు, లక్ష్మి నారాయణ పాల్గొన్నారు.
