నవతెలంగాణ -భువనగిరిరూరల్‌
భువనగిరి మండలంలోని బస్వాపురంలో దుర్గామాత నిమజ్జన శోభాయాత్రలో డీసీసీ అధ్యక్షులు కుంభం అనిల్‌ కుమార్‌ రెడ్డి పాల్గొని, ప్రత్యేక పూజలు నిర్వహించారు. ఈ సందర్భంగా ఆయన మాట్లాడుతూ యాదాద్రి భువనగిరి జిల్లా ప్రజలు విజయదశమి సందర్భంగా అందరికి మంచి జరగాలని, ప్రజలందరూ సుఖశాంతులతో జీవించాలన్నారు. ఈ కార్యక్రమంలో కాంగ్రెస్‌ పార్టీ జిల్లా నాయకులు నుచూ నాగయ్య యాదవ్‌, చిక్కుల వెంకటేశం,ఎంపీటీసీ పాశం శివానంద్‌, కాంగ్రెస్‌ సీనియర్‌ నాయకులు ఎడ్ల శ్రీనివాస్‌,శివకుమార్‌ పాల్గొన్నారు.
బీబీనగర్‌ : మండల పరిధిలోని జైనాపల్లి గ్రామంలో దుర్గామాత ఉత్సవ కమిటీ ఆధ్వర్యంలో ఏర్పాటుచేసిన దుర్గాదేవి విగ్రహం గ్రహాన్ని గురువారం ఊరేగింపుగా శోభయాత్రను నిర్వహించారు. చెరువులో దుర్గమ్మ తల్లి విగ్రాహన్ని నిమజ్జనాన్ని చేశారు. శోభాయాత్రలో శరన్నవరాత్రులకు సహకరించిన దాతలను ఘనంగా సన్మానించారు. ఈ కార్యక్రమంలో గ్రామ సర్పంచ్‌ మొరిగాడి బాల మల్లేష్‌ గౌడ్‌, ఉపసర్పంచ్‌ నక్కర్తి రమేష్‌, మాజీ సర్పంచ్‌ తంతరపల్లి అంజయ్య గౌడ్‌, ఉత్సవ సమితి సభ్యులు గూడూరు శ్రీనివాస్‌ రెడ్డి, అమర్‌ లింగం గౌడ్‌, సుమంత్‌ రెడ్డి, మహేష్‌, శ్రీనివాస్‌ గౌడ్‌, హరీష్‌, పోశెట్టి గౌడ్‌, భాను, రాంబాబు, తదితరులు పాల్గొన్నారు .
