- వరంగల్ తూర్పు ఎమ్మెల్యే నన్నపునేని నరేందర్‌
చౌటుప్పల్‌:మునుగోడు ప్రజల ఆత్మగౌరవాన్ని 18వేల కోట్లకు బీజేపీకి తాకట్టు పెట్టిన కోమటిరెడ్డి రాజగోపాల్‌రెడ్డిని మునుగోడులో ఓడించాలని వరంగల్ తూర్పు ఎమ్మెల్యే నన్నపునేని నరేందర్‌ తెలిపారు. గురువారం చౌటుప్పల్‌ మున్సిపల్‌ కేంద్రంలోని 14,19 వార్డుల్లో సీపీఐ(ఎం), సీపీఐ బలపర్చిన టీఆర్‌ఎస్‌ ఎమ్మెల్యే అభ్యర్థి కూసుకుంట్ల ప్రభాకర్‌రెడ్డిని గెలిపించాలని ముమ్మరంగా ఇంటింటి ప్రచారం నిర్వహించారు. ఈ సందర్భంగా ఆయన మాట్లాడుతూ ఇంటింటికి తిరుగుతూ కేసీఆర్‌ ప్రవేశపెట్టిన అభివృద్ధి, సంక్షేమ పథకాలను ప్రజలకు వివరించారు. కేసీఆర్‌ మిషన్‌ భగీరథ కృష్ణా, గోదావరి జలాలతో మునుగోడులోని ఫ్లోరోసిస్‌ సమస్యను పారదోలారని తెలిపారు. టీఆర్‌ఎస్‌తోనే మునుగోడు అభివృద్ధి సాధ్యమవుతుందన్నారు. కారు గుర్తుకు ఓట్లు వేసి కూసుకుంట్ల ప్రభాకర్‌రెడ్డిని భారీ మెజార్టీతో గెలిపించాలని ఓటర్లను అభ్యర్థించారు. ఈ కార్యక్రమంలో మున్సిపల్‌ వైస్‌ఛైర్మన్‌ బత్తుల శ్రీశైలం, నాయకులు బొడ్డు అంజిరెడ్డి, బొంగు జంగయ్యగౌడ్‌, గడ్డం సతీశ్‌, మునుకుంట్ల సత్యనారాయణగౌడ్‌, గుర్రం శ్రీనివాస్‌, ఎమ్‌డి.ఆసిఫ్‌, ఎమ్‌డి.ఫహీమ్‌, ఎమ్‌డి.ఆలమ్‌ పాల్గొన్నారు.
