నవతెలంగాణ-చౌటుప్పల్‌
మునుగోడు శాసనసభ ఉప ఎన్నికల్లో సీపీఐ(ఎం), సీపీఐ బలపర్చిన టీఆర్‌ఎస్‌ ఎమ్మెల్యే అభ్యర్థి కూసుకుంట్ల ప్రభాకర్‌రెడ్డి చండూరులో నామినేషన్‌ వేస్తున్న సందర్భంగా గురువారం చౌటుప్పల్‌ మున్సిపల్‌ పరిధిలోని తాళ్లసింగారం, లింగోజిగూడెం 2,3 వార్డుల నుండి 200 బైక్‌లతో వెళ్తున్న సందర్భంగా రాష్ట్ర ఎక్సైజ్‌, క్రీడాశాఖ మంత్రి శ్రీనివాస్‌గౌడ్‌ జెండా ఊపి ప్రారంభించారు. ఈ కార్యక్రమంలో కౌన్సిలర్‌ బత్తుల రాజ్యలక్ష్మీస్వామిగౌడ్‌, వల్లందాసు సతీశ్‌, బొంగు నాగేశ్‌గౌడ్‌, మల్లేశ్‌గౌడ్‌, పర్నె ధర్మారెడ్డి, ఎర్ర ఊషయ్య, ఎడ్ల మహేశ్వర్‌రెడ్డి, బొంగు మల్లేశ్‌గౌడ్‌, శ్రీకాంత్‌గౌడ్‌, శంకర్‌ పాల్గొన్నారు.
మర్రిగూడ:మర్రిగూడ మండలం సరంపేట గ్రామశాఖ ఆధ్వర్యంలో గురువారం బైక్‌ ర్యాలీ నిర్వహించారు. అనం తరం నామినేషన్‌ దాఖలు చేస్తున్న మునుగోడు టీఆర్‌ ఎస్‌ అభ్యర్థి కూసు కుంట్ల ప్రభాకర్‌ రెడ్డికి మద్దతుగా ప్రచార కార్యక్రమం నిర్వహిం చారు. ఈ కార్యక్రమంలో గ్రామశాఖ అధ్యక్షులు వర్కాల వెంకటేష్‌, సర్పంచ్‌ నరసింహ, టీఆర్‌ఎస్‌ నాయకులు, కార్యకర్తలు, తదితరులు పాల్గొన్నారు.
గ్రామశాఖ ఆధ్వర్యంలో..
కూసుకుంట్ల ప్రభాకర్‌ రెడ్డి నామినేషన్‌ వేస్తున్నా శుభ సందర్భంగా వట్టిపల్లి గ్రామం నుండి గ్రామశాఖ అధ్యక్షులు కొంపల్లి నాగరాజుగౌడ్‌ ఆధ్వర్యంలో గురువారం భారీ బైక్‌ ర్యాలీతో బయలుదేరారు. ఈ కార్యక్రమానికి ముఖ్య అతిథులుగా టిఆర్‌ఎస్‌ రాష్ట్ర నాయకులు కంచర్ల కృష్ణారెడ్డి, మర్రిగూడ ఎంపీపీ మెండు మోహన్‌ రెడ్డి ,సర్పంచ్‌ కళ్ళు స్వాతినవీన్‌ రెడ్డి, టిఆర్‌ఎస్‌ నాయకులు, యూత్‌ సభ్యులు పాల్గొన్నారు.
