- పోలీసులను వ్యతిరేకిస్తూ నినాదాలు
నవతెలంగాణ- సంస్థాన్‌ నారాయణపురం
           పోలీసుల చర్యలను నిరసిస్తూ మండల కేంద్రంలో కాంగ్రెస్‌ కార్యకర్తలు సోమవారం రాత్రి నిరసన కార్యక్రమం చేపట్టారు. స్థానిక చౌరస్తాలోని రేవంత్‌ రెడ్డి రాక కోసం ఎదురు చూస్తున్న కాంగ్రెస్‌ శ్రేణులు కళాకారులతో కలిసి నృత్యాలు చేస్తున్నారు.అదే సందర్భంలో బీజేపీ ర్యాలీ చౌరస్తాకు చేరుకుంది. ఈ సందర్భంగా బీజేపీి నాయకుడు బాబు మోహన్‌ మాట్లాడుతుండగా కాంగ్రెస్‌ పార్టీ శ్రేణులు మైకు ఆపకుండా పాటలకు నృత్యాలు చేస్తుండడంతో ఒక్కసారిగా బీజేపీ కార్యకర్తలు కాంగ్రెస్‌ పార్టీ కార్యకర్తల వైపు దూసుకెళ్లారు. దీంతో కాసేపు ఇక్కడ ఉద్రిక్త వాతావరణం నెలకొంది. అనంతరం కాంగ్రెస్‌ పార్టీ శ్రేణులు పోలీసులు బీజేపీ వత్తాసు పలుకుతున్నారని రోడ్డుపై బైటాయించి నిరసన తెలిపారు.