- ఎమ్మెల్యే అరూరి సమక్షంలో టీఆర్‌ఎస్‌లో చేరికలు
నవతెలంగాణ-చండూర్‌
మునుగొడు లో టీఅర్‌ఎస్‌ పార్టీ గెలుపు ఖాయమని టిఆర్‌ఎస్‌ పార్టీ వరంగల్ జిల్లా అధ్యక్షులు వర్ధన్నపేట ఎమ్మెల్యే అరూరి రమేష్‌ అన్నారు. సోమవారం చండూరు మున్సిపాలిటీ లోని 4 వ వార్డులో ఉభయ కమ్యూనిస్టులు సిపిఎం , సిపిఐ బలపరిచిన అభ్యర్ధి కూసుకుంట్ల ప్రభాకర్‌ రెడ్డి గెలుపు కోరుతు బీజేపీ పార్టీ నుండి ఇరవై మందికి పైగా యువకులు ఎమ్మెల్యే అరూరి రమేష్‌ , టిఆర్‌ఎస్‌ పార్టీ పట్టణ అధ్యక్షుడు భూతరాజు దశరథ సమక్షంలో తెరాస పార్టీలో చేరారు.వీరికి ఎమ్మెల్యే కండువా కప్పి పార్టీలోకి ఆహ్వానించారు. ఈ సందర్బంగా ఎమ్మెల్యే మాట్లాడుతూ రాజగోపాల్‌ రెడ్డి అహంకారానికి మునుగోడు ప్రజల ఆత్మగౌరవానికి జరుగుతున్న ఉప ఎన్నిక ,అభివద్ది చేస్తున్న టీఆర్‌ఎస్‌ ను గెలిపించాలన్నారు. ఈ కార్యక్రమంలో వార్డు అధ్యక్షులు ఇరిగి రామకృష్ణ, స్థానిక నాయకులు కార్యకర్తలు తదితరులు పాల్గొన్నారు.
