నవతెలంగాణ-దేవరకొండ
జాతీయస్థాయి కరాటే పోటీలకు దేవరకొండ స్పోర్ట్స్‌ అసోసియేషన్‌ కరాటే విద్యార్థులు ఎంపికైనట్టు కరాటే మాస్టర్‌ జపాన్‌ కరాటే శ్రీను తెలిపారు. ఆదివారం నల్లగొండలో జరిగిన రాష్ట్రస్థాయి కరాటే పోటీలలో దేవరకొండకు చెందిన 18 మంది పాల్గొనగా 8 మంది ప్రథమ స్థానంలో గెలు పొందినట్లు తెలిపారు. మరో తొమ్మిది మంది ద్వితీయ, తృతీయ స్థానంలో గెలుపొందారు. నవంబర్‌ 20న జరగనున్న జాతీయ స్థాయి కరాటే పోటీలకు ప్రథమ స్థానంలో గెలుపొందిన 8 మంది ఎంపిక అయినట్లు తెలిపారు. జాతీయ స్థాయి కరాటే పోటీలకు ఎంపికైనందున సోమవారం దేవరకొండ స్పోర్ట్స్‌ అసోసియేషన్‌ భవనములో అభినందన సభ నిర్వహించారు. ఈ సందర్భంగా ఎంపికైన వారికి దేవరకొండ సీఐ శ్రీనివాసు, స్పోర్ట్స్‌ అసోసియేషన్‌ అధ్యక్షుడు ఎన్‌విటి, మోడల్స్‌ సర్టిఫికెట్స్‌ ట్రోఫీ అందజేశారు. ఈ కార్యక్రమంలో తాళ్ల శ్రీధర్‌గౌడ్‌, కృష్ణ కిషోర్‌, వైయస్‌ కరుణాకర్‌, భాస్కర్‌రెడ్డి, రామకృష్ణ, మురళి, వెంకట్‌, సురేష్‌, జయరాములు, సంజీవ, తదితరులు పాల్గొన్నారు.
