- ఉప్పల్‌ ఎమ్మెల్యే సుభాశ్‌రెడ్డి
నవతెలంగాణ-చౌటుప్పల్‌
         మునుగోడు ఉప ఎన్నికల్లో సీపీఐ(ఎం), సీపీఐ బలపర్చిన టీఆర్‌ఎస్‌ అభ్యర్థి కూసుకుంట్ల ప్రభాకర్‌రెడ్డిని గెలిపించాలని ఉప్పల్‌ ఎమ్మెల్యే సుభాశ్‌రెడ్డి తెలిపారు. మంగళవారం మున్సిపల్‌ పరిధిలోని లక్కారంలో మిత్రపక్షాల నాయకులతో కలిసి ఇంటింటి ప్రచారం నిర్వహించారు. కేసీఆర్‌ అభివృద్ధి సంక్షేమ పథకాలను వివరించారు. టీఆర్‌ఎస్‌తోనే మునుగోడు అభివృద్ధి సాధ్యమవుతుందన్నారు. కారు గుర్తుకు ఓట్లు వేసి కూసుకుంట్ల ప్రభాకర్‌రెడ్డిని గెలిపించాలని కోరారు. ఈ కార్యక్రమంలో మార్కెట్‌ డైరెక్టర్‌ సుర్కంటి నవీన్‌రెడ్డి, ఆకుల ధర్మయ్య, పల్లె శేఖర్‌రెడ్డి, గుండెబోయిన వెంకటేశ్‌యాదవ్‌, దుబ్బాక శశిధర్‌రెడ్డి, కొండె నర్సింహా పాల్గొన్నారు.