- బీజేపీ నాయకుల బట్టే బాజి మాటలు ప్రజలు నమ్మొద్దు
- శేరి సుభాష్‌ రెడ్డి, శంభిపూర్‌ రాజు ఎమ్మెల్సీలు
- కొయ్యలగూడెంలో ఇంటింటి ప్రచారం
నవతెలంగాణ - చౌటుప్పల్‌రూరల్‌
దేశానికి దిశానిర్దేశం కేసీఆర్‌ పథకాలని ఎమ్మెల్సీలు శేరి సుభాష్‌ రెడ్డి, శంభిపూర్‌ రాజు అన్నారు. మండలంలోని కొయ్యలగూడెం గ్రామంలో మంగళవారం ఇంటింటి ప్రచారం నిర్వహించారు. ఎమ్మెల్సీ ల సమక్షంలో గ్రామానికి చెందిన 25మంది యువకులు టీిఆర్‌ఎస్‌లో చేరారు. ఈ సందర్భంగా వారు మాట్లాడుతూ బీజేపీికి ప్రజల్లో బలం లేదన్నారు. బీజేపీ నాయకుల బట్టేబాజ్‌ మాటలు ప్రజలు నమ్మొద్దని కోరారు. బీజేపీ నాయకులు ఉప ఎన్నికల్లో డబ్బులు పంచి ఓట్లు కొనుగోలు చేసే ప్రయత్నం చేస్తున్నారని ఆరోపించారు.ముఖ్యమంత్రి కేసీఆర్‌ గ్రామాలను ఆర్ధికంగా అభివృద్ధి చేస్తున్నారని తెలిపారు. బీజేపీ ప్రజాప్రతినిధులకు డబ్బులు ఇచ్చి కొనుగోలు చేస్తుందన్నారు. జీహెచ్‌ఎంసి ఎన్నికల్లో బీజేపీ నాయకులు అనేక హామీలు ఇచ్చారని,నేటికీ ఒక్క రూపాయి నిధులు కేంద్రం నుండి తీసుకురాలేదని తెలిపారు. మునుగోడులో టీఆర్‌ఎస్‌ గెలుపు ఖాయమని అన్నారు.ఈ కార్యక్రమంలో గ్రామ శాఖ అధ్యక్షుడు మాచర్ల కృష్ణ,నాయకులు ఊదరి నర్సింహా, రామకృష్ణ, గుర్రం ప్రసాద్‌ రెడ్డి,గంజి శ్రీనివాస్‌,నగేష్‌, మల్లారెడ్డి ,సత్యం,రాజిరెడ్డి, మురళి తదితరులు పాల్గొన్నారు.
