నవతెలంగాణ-డెస్క్‌
ఒళ్లంతా ఫ్లెక్సీ తొడుగు... నెత్తిన కూడా ఫ్లెక్సీతో తయారు చేసిన టోపీ.. చేతిలో మైకుతో గడపగడపా తిరుగుతూ వామపక్షాల బలపర్చిన టీఆర్‌ఎస్‌ అభ్యర్థి కూసుకుంట్ల ప్రభాకర్‌రెడ్డికి ఓటు వేయాలని అడుగుతూ ప్రత్యేక ఆకర్షణగా నిలుస్తున్నాడు ఓ వ్యక్తి. అతన్ని 'నవతెలంగాణ' పలకరించగా తనపేరు జీ. మనోహర్‌ అని తనది సిద్ధిపేట జిల్లా అని చెప్పాడు. తాను ఈ నెల 2వ తేదీ నుండి ఇక్కడ ప్రచారం నిర్వహిస్తున్నానని అన్నారు. తనకు కేసీఆర్‌ అంటే ప్రాణం అని అతన్ని ప్రధానిగా చూడాలని కోరిక ఉందని, అందుకే ఈ బ్యానర్‌పై బీఆర్‌ఎస్‌ అని ముద్రించానని అన్నారు. వామపక్షాలు బలంగా ఉన్న ఈ మునుగోడు గడ్డపై టీఆర్‌ఎస్‌ విజయం సాధించడం ఖాయం అన్నారు. కేంద్ర బీజేపీ ప్రభుత్వం పెంచిన ధరల గురించి ప్రజలకు వివరిండంతో పాటు కేసీఆర్‌ ప్రవేశపెట్టిన పథకాల గురించి వివరించి ఓటర్లను చైతన్యం చేస్తున్నట్టు తెలిపారు.
