వలిగొండ:విద్యార్థుల సమయానుకూలంగా బస్సులు నడపాలని కోరుతూ ఎస్‌ఎఫ్‌ఐ ఆద్వర్యంలో మంగళవారం యాదగిరిగుట్టలోని డీఎం కార్యాలయంలో సిబ్బందికి వినతి పత్రం అందజేశారు. ఈ సందర్భంగా ఆ సంఘం జిల్లా కార్యదర్శి వనం రాజు మాట్లాడుతూ దసరా పండుగకు ముందు బస్సులు పులిగిల్ల నుండి వలిగొండకు రెండు బస్సులు నడిచేవన్నారు. దసరా పండుగ సందర్భంగా ఒక బస్సు రద్దు చేశారన్నారు. పండుగ అయిపోయి పదిరోజులవుతున్నా బస్సులు పులిగిల్ల వలిగొండ రూటులో ఒక్కటే బస్సు నడుపుతున్నారన్నారు. దీంతో విద్యార్థులు, ప్రయాణికులు ఇబ్బందులు పడుతున్నారన్నారు. వెంటనే బస్సును పునరుద్ధురించాలని డిమాండ్‌ చేశారు. ఈ కార్యక్రమంలో ఎస్‌ఎఫ్‌ఐ జిల్లా ఉపాధ్యక్షులు వేముల నాగరాజు జిల్లా సహాయ కార్యదర్శి చింతల శివ భువనగిరి టౌన్‌ నాయకులు బుగ్గ ఉదరు కిరణ్‌ బుగ్గ సంపత్‌, వెంపటి సాయి,రాజు సన్నీ,తదితరులు పాల్గొన్నారు.