నవతెలంగాణ- నకిరేకల్‌
నకిరేకల్‌ పట్టణంలో నూతనంగా నిర్మిస్తున్న అయ్యప్ప స్వామి దేవాలయాన్ని భువనగిరి ఎంపీ కోమటిరెడ్డి వెంకట్‌ రెడ్డి మంగళవారం సందర్శించి పరిశీలించారు. ఈ సందర్భంగా ఆయన మాట్లాడుతూ త్వరలో గుడి నిర్మాణానికి తన వంతు విరాళం అందజేస్తానని హామీ ఇచ్చారు. ఆయన వెంట టీపీసీసీి రాష్ట్ర కార్యనిర్వాహక కార్యదర్శి దైద రవీందర్‌, సీనియర్‌ నాయకులు పన్నాల రాఘవ రెడ్డి , కౌన్సిలర్‌ గాజుల సుకన్య , అయ్యప్పస్వామి గుడి చైర్మన్‌ నూకల రఘునందన్‌ రెడ్డి, యూత్‌ కాంగ్రెస్‌ మండల అధ్యక్షుడు ముద్దం విజరు, నాయకులు భూతుకూరి వెంకట్‌ రెడ్డి ఉన్నారు.
నిరుపేద కుటుంబానికి ఆర్థిక సహాయం
నకిరేకల్‌కు చెందిన లిటిల్‌ సోల్జర్స్‌ ఫౌండేషన్‌ ఆధ్వర్యంలో మంగళవారం నిరుపేద కుటుంబానికి సహాయం అందజేశారు. ఫౌండేషన్‌ ప్రతినిధులు మాట్లాడుతూ వరంగల్ జిల్లా వర్థన్న పేట మండలం ఇల్లందు గ్రామానికి చెందిన కేదారి సత్యనారాయణ, లక్ష్మి నిరుపేద కుటుంబానికి చెందిన వారన్నారు. వారికి ఇద్దరు పిల్లలు. సత్యనారాయణకి పక్షవాతం వచ్చి మంచానికే పరిమితం అవ్వడంతో ఇల్లు గడవటం కష్టంగా మారిందన్నారు. దీంతో నకిరేకల్‌ లిటిల్‌ సోల్జర్స్‌ ఫౌండేషన్‌ 50 కేజీల బియ్యం, నెలకు సరిపడా నిత్యావసరాలు, రూ. 3 వేలు ఆర్థిక సహాయం అందజేశారు. ఈ కార్యక్రమంలో లిటిల్‌ సోల్జర్స్‌ ఫౌండేషన్‌ ప్రతినిధులు బొజ్జ అనిల్‌, పెరుమాండ్ల రాజు, మంగని రాజు, నామాల ఈశ్వర్‌ పాల్గొన్నారు.
