- రాజపేట ,తుర్కపల్లి మండలాల నుండి 200 మంది చేరిక
నవతెలంగాణ -యాదగిరిగుట్ట
టీిఆర్‌ఎస్‌లోకి వలసలు కొనసాగుతున్నాయి. గురువారం పట్టణంలోని గొంగిడి మహేందర్‌రెడ్డి నిలయంలో రాజపేట తుర్కపల్లి మండలాల నుండి 200 మంది టీిఆర్‌ఎస్‌లో చేరారు. రాజపేట కాంగ్రెస్‌ మాజీ అధ్యక్షులు నల్ల అశోక్‌ నాయకులు నల్ల సాయి ఆధ్వర్యంలో వందమంది, తుర్కపల్లి మండలం వీరారెడ్డిపల్లి మాజీ సర్పంచ్‌ మాజీ సర్పంచ్‌ యశబోయిన రాజయ్య, బీజేపీ నాయకులు కొంతం కిష్టయ్య, ఆధ్వర్యంలో 100 మంది పార్టీలో చేరారు. డీసీసీబీ చైర్మెన్‌ గొంగిడి మహేందర్‌ రెడ్డి వారిని పార్టీలోకి ఆహ్వానించారు. ఈ సందర్భంగా ఆయన మాట్లాడుతూ రాష్ట్ర ప్రభుత్వం చేపడుతున్న సంక్షేమ పథకాలకు ఆకర్షితులై టిఆర్‌ఎస్‌లో చేరుతున్నారన్నారు. దేశంలో బీఆర్‌ఎస్‌ విజయవంతం అవుతుందన్నారు. ఈ కార్యక్రమంలో వివిధ పార్టీల నాయకులు బత్తేం సిద్దులు, కుందనపల్లి మల్లేశం,కలకుంట్ల నర్సింహులు ,వరికుప్పల బిక్షపతి వరికుప్పల రవి తదితరులు పాల్గొన్నారు.
తుర్కపల్లి : మండలంలోని వీరారెడ్డిపల్లి గ్రామానికి చెందిన మాజీ ఎంపీటీసీ ఏష బోయిన రాజయ్య గురువారం యాదగిరిగుట్ట లోని ఎమ్మెల్యే నివాసంలో డీసీసీబీచైర్మెన్‌ గొంగిడి మహేందర్‌ రెడ్డి ఆధ్వర్యంలో టీిఆర్‌ఎస్‌లో చేరారు. ఈ కార్యక్రమంలో జెడ్పి వైస్‌ చైర్మెన్‌ బిక్కు నాయక్‌, టీఆర్‌ఎస్‌ మండల సెక్రెటరీ జనరల్‌ సాగర్ల పరమేష్‌ యాదవ్‌, బద్దు నాయక్‌, మారగోని శ్రీరామ్‌ మూర్తి పాల్గొన్నారు.
