నవతెలంగాణ-దేవరకొండ
ఉత్తమ సర్పంచ్‌ నేషనల్‌ అవార్డు 2022 సంవత్సరంకుగాను దేవరకొండ మండలం మర్రిచెట్టు తండా సర్పంచ్‌ నేనావత్‌ శ్రీనునాయక్‌ ఎంపికైనట్లు జాతీయ అవార్డు కమిటీ ప్రకటించింది. సెలక్షన్‌ కమిటీ చైర్మెన్‌, బహుజన సాహిత్య అకాడమీ జాతీయ అధ్యక్షులు నల్ల రాధాకృష్ణ అవార్డు ఆహ్వాన పత్రాన్ని ఆదివారం హైదరాబాదులో శ్రీనునాయక్‌ అందజేశారు. నవంబర్‌ 13వ తేదీన ఢిల్లీలో జరిగే ఆలిండియా బహుజన రైటర్స్‌ మూడవ నేషనల్‌ కాన్ఫరెన్స్‌ సందర్భంగా ఉత్తమ సర్పంచ్‌ నేషనల్‌ అవార్డును అందజేయనున్నారు. అవార్డు గ్రహీత సర్పంచ్‌ శ్రీను నాయక్‌ మాట్లాడుతూ దేవరకొండ ఎమ్మెల్యే రమావత్‌ రవీంద్ర కుమార్‌ సహకారంతో గ్రామాన్ని 100శాతం అభివృద్ధి చేశామన్నారు. అవార్డు ఆహ్వాన పత్రిక అందజేసిన వారిలో బిఎస్‌ఏ, జాతీయ అధ్యక్షులు నల్ల రాధాకృష్ణ, తెలంగాణ రాష్ట్ర అధ్యక్షులు ఎం.ఎం. గౌతమ్‌, రాష్ట్ర కోఆర్డినేటర్‌ హనుమాన్ల విష్ణు, అంబేద్కర్‌ నేషనల్‌ అవార్డు గ్రహీత బుర్రి వెంకన్న తదితరులున్నారు.
