- రాష్ట్ర ఎఫ్‌డీసీ చైర్మెన్‌ ఒంటేరు ప్రతాప్‌రెడ్డి
నవతెలంగాణ-మర్రిగూడ
మునుగోడు ప్రజల కన్నీళ్లు పోవాలంటే టీఆర్‌ఎస్‌ అభ్యర్థిని భారీ మెజార్టీతో గెలిపించాలని రాష్ట్ర ఎఫ్‌డీసీ చైర్మెన్‌ ఒంటేరు ప్రతాప్‌రెడ్డి అన్నారు. సోమవారం మర్రిగూడ మండలం లెంకలపల్లి గ్రామంలో గడపగడపకు ఎన్నికల ప్రచారం సందర్భంగా మాట్లాడారు. టీిఆర్‌ఎస్‌ ప్రభుత్వంతోనే లెంకలపల్లిలో అనేక సంక్షేమ పథకాలు వస్తున్నాయన్నారు. మునుగోడులో ఫ్లోరోసిస్‌ సమస్య తీవ్రంగా ఉండేదని తెలంగాణ రాష్ట్రం రాగానే చౌటుప్పల్‌లో పైలాన్‌ ప్రాజెక్ట్‌ఏర్పాటుచేసి ఫ్లోరైడ్‌ భూతాన్ని ధర్మ కొట్టిన ఘనత కేసీఆర్‌దే అన్నారు. మునుగోడు ప్రాంతం అన్ని విధాలుగా అభివృద్ధి సాధించాలంటే నవంబర్‌ మూడున జరిగే ఉప ఎన్నికల్లో టిఆర్‌ఎస్‌ అభ్యర్థిని గెలిపించాలని కోరారు. ఈ కార్యక్రమంలో రాష్ట్ర సర్పంచ్‌ పోరం వర్కింగ్‌ ప్రెసిడెంట్‌ మహిపాల్‌ రెడ్డి, రజక సంఘం గజ్వేల్‌ కన్వీనర్‌ ఎల్లేష్‌, జెడ్పిటిసిలు అర్జున్‌గౌడ్‌, ఎల్లయ్య, సత్యనారాయణ, రామచంద్రం, సర్పంచ్‌ నగేష్‌, టిఆర్‌ఎస్‌ మండల కార్యదర్శి అయితగోని వెంకటయ్య, పరిపూర్ణచారి, ఏర్పుల అంజయ్య, తదితరులు పాల్గొన్నారు.
