నాంపల్లి:మునుగోడు నియోజకవర్గం ఉపఎన్నికల్లో భాగంగా నాంపల్లి మండలం టీపీ.గౌరారం, మల్లపురాజుపల్లి గ్రామంలో సోమవారం నల్లగొండ జిల్లా స్థానిక సంస్థల శాసన మండలి సభ్యులు ఎంసీ. కోటిరెడ్డి టీఆర్‌ఎస్‌ అభ్యర్థి కూసుకుంట్ల ప్రభాకర్‌ రెడ్డికి ఓటు వేయాలని కోరుతూ ఇంటింటి ప్రచారం నిర్వహించారు. ఆ గ్రామ ప్రజలు, స్థానిక నాయకులు డప్పు చప్పుళ్లతో ఆయనకు ఘన స్వాగతం పలికారు. ఈ సందర్భంగా ఎమ్మెల్సీ గ్రామంలో ప్రతి ఇంటికి వెళ్ళి టీఆర్‌ఎస్‌ కారు గుర్తుకు ఓటు వేయాలని కోరారు. ఈ కార్యక్రమంలో నాంపల్లి జెడ్పిటిసి ఎలుగోటి వెంకటేశ్వర రెడ్డి, మండల రైతు బంధు సమితి కన్వీనర్‌ ఏడు దొడ్ల రవీందర్‌రెడ్డి, సర్పంచ్‌ల ఫోరం మండల అధ్యక్షుడు మునగాల సుధాకర్‌ రెడ్డి, గ్రామ ఉప సర్పంచ్‌ శ్రీను, పెద్దవూర ఎంపీపీ చేన్ను అనురాధ సుందర్‌ రెడ్డి, తదితరులు పాల్గొన్నారు.