- కమ్యూనిస్టుల ప్రధానశత్రువు బీజేపీ...
- సీపీఐ జాతీయ సమితి సభ్యులు పల్లా వెంకట్‌రెడ్డి
నవతెలంగాణ-మునుగోడు
సీపీఐ, సీపీఐ(ఎం) బలపరిచిన టీఆర్‌ఎస్‌ అభ్యర్థి కూసుకుంట్ల ప్రభాకర్‌రెడ్డి విజయం ఖాయమని సీపీఐ జాతీయ సమితి సభ్యులు పల్లా వెంకటరెడ్డి ధీమా వ్యక్తం చేశారు. సోమవారం మునుగోడు మండల కేంద్రంలో సిపిఐ కార్యాలయంలో సిపిఐ నియోజకవర్గ స్థాయి సమావేశాన్ని నిర్వహించారు. ఈ సమావేశానికి ఆయన ముఖ్యఅతిథిగా హాజరై పాల్గొని అనంతరం ఏర్పాటు చేసిన విలేకరుల సమావేశంలో ఆయన మాట్లాడారు. కమ్యూనిస్టులకు ప్రధాన శత్రువు బీజేపీ అన్నారు. టిఆర్‌ఎస్‌ పార్టీ గెలిచిన తర్వాత మునుగోడు నియోజకవర్గంలో పెండింగ్లో ఉన్న డిండి ఎత్తిపోతల ప్రాజెక్టుతో పాటు ఆగిన పనులను పూర్తి చేస్తానని కేసీఆర్‌ హామీ ఇచ్చినట్లు పేర్కొన్నారు. నేడు చండూరు గట్టుపల్‌ నారాయణపురం మీదుగా మునుగోడు వరకు సిపిఐ, సిపి(ఎం) ఆధ్వర్యంలో టిఆర్‌ఎస్‌ పార్టీ గెలుపుకై నిర్వహించే బైక్‌ ర్యాలీని విజయవంతం చేయాలని కోరారు. ఈ కార్యక్రమంలో సిపిఐ జిల్లా కార్యదర్శి నెల్లికంటి సత్యం, మునుగోడు మాజీ శాసనసభ్యులు ఉజ్జని యాదగిరిరావు, సిపిఐ జిల్లా వర్గ సభ్యులు చండూరు, వైస్‌ ఎంపీపీ మందడి నరసింహారెడ్డి, బొలుగూరి నరసింహ, గురుజ రామచంద్రం, తీర్పారి వెంకటేశ్వర్లు, ఆర్‌. అంజయ్య, గిరి, రాము, బి .గాలయ్య, చాపల శ్రీను, లాలు తదితరులు పాల్గొన్నారు.
