నవతెలంగాణ-చౌటుప్పల్‌
మునుగోడు ఉప ఎన్నికల్లో సీపీఐ(ఎం), సీపీఐ బలపర్చిన టీఆర్‌ఎస్‌ అభ్యర్థి కూసుకుంట్ల ప్రభాకర్‌రెడ్డి విజయాన్ని కాంక్షిస్తూ వామపక్షాలు మంగళవారం చౌటుప్పల్‌ మున్సిపల్‌ కేంద్రం నుండి మునుగోడుకు చేపట్టిన బైక్‌ ర్యాలీని సీపీఐ(ఎం) కేంద్రకమిటీ సభ్యులు చెరుపల్లి సీతారాములు పార్టీ జెండా ఊపి ప్రారంభించారు. ఈ సందర్భంగా ఆయన మాట్లాడుతూ కారు గుర్తుకు ఓట్లు వేసి కూసుకుంట్ల ప్రభాకర్‌రెడ్డిని గెలిపించాలని కోరారు. భారీ సంఖ్యలో బైక్‌లతో నాయకులు, కార్యకర్తలు తరలివెళ్లారు. ఈ కార్యక్రమంలో సీపీఐ(ఎం) రాష్ట్రకార్యదర్శివర్గ సభ్యురాలు మల్లు లక్ష్మీ, జిల్లా కార్యదర్శి ఎమ్‌డి.జహంగీర్‌, సూర్యాపేట జిల్లా కార్యదర్శి మల్లు నాగార్జునరెడ్డి, సీపీఐ జిల్లా కార్యదర్శి గోద శ్రీరాములు, సీపీఐ(ఎం) రాష్ట్రకమిటీ సభ్యులు కొండమడుగు నర్సింహా, జిల్లా కార్యదర్శివర్గ సభ్యులు మాటూరి బాలరాజు, దాసరి పాండు, నాయకులు గంగదేవి సైదులు, గడ్డం వెంకటేశం, బూర్గు కృష్ణారెడ్డి, బండారు నర్సింహా, బత్తుల శ్రీశైలం, పల్లె శేఖర్‌రెడ్డి, తుమ్మల నర్సిరెడ్డి, పగిళ్ల మోహన్‌రెడ్డి పాల్గొన్నారు.
