- ఎమ్మెల్సీ డాక్టర్‌ బండ ప్రకాష్‌ ముదిరాజ్‌
నవతెలంగాణ - భువనగిరి
టీఆర్‌ఎస్‌ పాలనలో ముదిరాజులకు సముచిత స్థానం దక్కుతుందని ఎమ్మెల్సీ డాక్టర్‌ బండా ప్రకాష్‌ ముదిరాజ్‌ తెలిపారు. మంగళవారం మునుగోడు అసెంబ్లీ ఉప ఎన్నికల సందర్భంగా చౌటుప్పల్‌ మండలం కుంట్ల గూడెంలో, చౌటుప్పల్‌ మండలంలో నిర్వహించిన ముదిరాజ్‌ ఆత్మీయ సమ్మేళనంలో ఆయన మాట్లాడారు. ఎన్నికల్లో టీిఆర్‌ఎస్‌ అభ్యర్థి కూసుకుంట్ల ప్రభాకర్‌ రెడ్డికి ఓటు వేసి అత్యధిక మెజార్టీతో గెలిపించాలని కోరారు. ముదిరాజ్‌ మత్స్య కార్మికులకు గీత కార్మికులతో పాటు చిరు వ్యాపారాలు చేసుకునే వారికోసం టీిఆర్‌ఎస్‌ ప్రభుత్వం ప్రణాళిక రూపొందిస్తుంది అన్నారు. వామపక్షలు బలపర్చిన టీిఆర్‌ఎస్‌ అభ్యర్థి కుసుకుంట్ల ప్రభాకర్‌ రెడ్డిని గెలిపించాలని ముదిరాజు సమ్మేళనంలో ఏకగ్రీవంగా తీర్మానించారు. ఈ కార్యక్రమంలో ముదిరాజ్‌ మహాసభ జిల్లా అధ్యక్షులు కొలుపుల హరినాథ్‌, రాష్ట్ర కార్యదర్శి పెంట నరసింహ ముదిరాజ్‌ ,జిల్లా ఉపాధ్యక్షులు శెట్టి శ్రీనివాసులు, సీపీఐ(ఎం) నాయకులు కొలుపుల వివేకానంద, చౌట్టుప్పల్‌ నాయకులు బోబ్బళ్ల మురళి, పాండు, రాజు నరసింహ ముదిరాజ్‌ పాల్గొన్నారు.
