- ఎమ్మెల్యే కూసుకుంట్ల ప్రభాకర్‌రెడ్డి
నవతెలంగాణ-చండూర్‌
మునుగోడు ఉపఎన్నికల్లో ధర్మ యుద్ధంలో టీఆర్‌ఎస్‌ పార్టీ గెలిచిందని మునుగోడు ఎమ్మెల్యే కూసుకుంట్ల ప్రభాకర్‌ రెడ్డి అన్నారు. సోమవారం రోడ్‌ షోలో ఆయన పాల్గొని మాట్లాడారు. ఆధర్మంలో బీజేపీ ఓడిందన్నారు. బీజేపీ శ్రేణులు ఎన్ని కుట్రలు చేసినా, కారు గుర్తుని పోలిన గుర్తులు పెట్టి ఓటర్లను తికమక చేసిన, ఎన్ని అడ్డంకులు పెట్టిన మునుగోడు గడ్డపై గులాబీ ఎగిరిందన్నారు. సీఎం కేసీఆర్‌ ఆశీర్వదించి ఎమ్మెల్యేగా టికెట్‌ ఇచ్చి తనను ఎమ్మెల్యేగా గెలిపించినందుకు ఈ ప్రాంతానికి రుణపడి ఉంటానని అన్నారు. ఈ ప్రాంతం అభివృద్ధి కోసమే ఎమ్మెల్యేగా గెలిపించారని, నియోజకవర్గం అభివృద్ధి కావాలంటే సీఎం కేసీఆర్‌తోనే సాధ్యమవుతుందని తెలిపారు. ఈ ప్రాంతానికి ఎమ్మెల్యేగా, ఎంపీగా, ఎమ్మెల్సీగా గెలిచి అభివృద్ధిలో ఉద్ధరించింది ఏమీ లేదన్నారు. సీఎం కేసీఆర్‌ పై రాజగోపాల్‌ రెడ్డి విమర్శలు చేస్తే సహించబోమన్నారు. రాజగోపాల్‌ రెడ్డి ఒక దద్దమ్మ, ఒక వింత జంతువు అని, మతి స్థిమితం లేని మాటలు మాట్లాడుతున్నారని, తాను మెంటల్‌ గోపాల్‌ అని విమర్శించారు. ప్రతి పల్లె నుంచి, ప్రతి మండలం నుండి, తను రోడ్‌ షోకు వస్తున్న సందర్భంగా మహిళలు హారతులు తెలిపారన్నారు. అది చూసి రాజగోపాల్‌ రెడ్డి ఓర్వ లేక మునుగోడు మండల కేంద్రంలో గందరగోళం సృష్టించారు. తనను ఎమ్మెల్యేగా గెలిపించి ఆ గౌరవాన్ని 18 వేల కోట్ల కాంట్రాక్టర్‌ ఢిల్లీలో అమ్ముడుపోయిన వ్యక్తి అన్నారు. అతి త్వరలో చౌటుప్పల్‌, చండూర్‌ మున్సిపాలిటీ రూపురేఖలను మారుస్తానన్నారు. రోడ్డు రవాణా, పంచాయతీ శాఖ మంత్రులతో, కలెక్టర్‌ తో కలిసి త్వరలో సమీక్ష సమావేశం ఏర్పాటు చేసి ఈ ప్రాంత అభివృద్ధి పై చర్చిస్తామన్నారు. ఈ మునుగోడు ప్రాంతాన్ని ఆత్మగౌరవాణి తను నిలబెడతానన్నారు. అన్ని రంగాల్లో అభివృద్ధి చేసి చూపిస్తానని తెలిపారు. రాష్ట్రంలో అన్ని విధాలుగా అభివృద్ధి జరుగుతుంటే కేంద్ర ప్రభుత్వం కుట్రలు చేస్తుందని విమర్శించారు. నలుగురు ఎమ్మెల్యేలను కొనాలని చూస్తే వారిని సీఎం కేసీఆర్‌ జైలుకు పంపారన్నారు. ఈ కార్యక్రమంలో జెడ్పీటీసీ కర్నాటి వెంకటేశం, ఎంపీపీ పల్లి కళ్యాణి రవికుమార్‌, మున్సిపల్‌ చైర్‌ పర్సన్‌ తోకల చంద్రకళ వెంకన్న, సర్పంచ్ల ఫోరం అధ్యక్షుడు ముడిగా ఎర్రన్న యాదవ్‌, మండల అధ్యక్షుడు పాటల వెంకన్న, పట్టణ అధ్యక్షుడు బూతరాజు దశరథ, కౌన్సిలర్‌ కోడి వెంకన్న, మార్కెటిక్‌ కమిటీ చైర్మన్‌ గుర్రం మాధవి వెంకటరెడ్డి, మాజీ జెడ్పిటిసి బొల్లం శివశంకర్‌, ఆయా గ్రామర్‌ సర్పంచులు, ఎంపీటీసీలు, తదితరులు పాల్గొన్నారు.
చౌటుప్పల్‌: మునుగోడు ఉప ఎన్నికల్లో విజయం సాధించిన ఎమ్మెల్యే కూసుకుంట్ల ప్రభాకర్‌రెడ్డి విజయోత్సవ ర్యాలీని సోమవారం చౌటుప్పల్‌ పట్టణకేంద్రంలోని జాతీయ రహదారిపై ఘనంగా నిర్వహించారు. ఈ సందర్భంగా టీఆర్‌ఎస్‌ మున్సిపాలిటీ అధ్యక్షులు ముత్యాల ప్రభాకర్‌రెడ్డి ఆధ్వర్యంలో టీఆర్‌ఎస్‌ నాయకులు, కార్యకర్తలు, ప్రజలు పెద్ద ఎత్తున పాల్గొని కూసుకుంట్ల ప్రభాకర్‌రెడ్డికి పూలమాలలు, శాలువాలతో ఘనంగా స్వాగతం పలికారు. ఈ కార్యక్రమంలో మున్సిపల్‌, మార్కెట్‌, సింగిల్‌విండో చైర్మెన్లు వెన్‌రెడ్డి రాజు, బొడ్డు శ్రీనివాస్‌రెడ్డి, చింతల దామోదర్‌రెడ్డి, టీఆర్‌ఎస్‌ మండల అధ్యక్ష, కార్యదర్శులు గిరికటి నిరంజన్‌గౌడ్‌, ఢిల్లీ మాధవరెడ్డి, నాయకులు ముత్యాల భూపాల్‌రెడ్డి, తాడూరి పరమేశ్‌, తొర్పునూరి మల్లేశ్‌గౌడ్‌, గుండెబోయిన వెంకటేశ్‌యాదవ్‌, బొడిగె బాలకృష్ణగౌడ్‌, బీమిడి రాంరెడ్డి, బడేటి సత్యనారాయణగౌడ్‌, కందగట్ల బిక్షపతి, ఎమ్‌డి.ఖలీల్‌ పాల్గొన్నారు.
