నవతెలంగాణ- తుంగతుర్తి
కార్తీక మాసంలో అత్యంత ప్రాశస్తం గల వనభోజనాలు, ప్రత్యేక పూజా కార్యక్రమాన్ని తుంగతుర్తి నియోజకవర్గ కేంద్రంలో మండల ఆర్యవైశ్య సంఘం ఆధ్వర్యంలో గురువారం ఘనంగా నిర్వహించారు. ఈ కార్యక్రమాన్ని అత్యంత భక్తి, శ్రద్ధలతో నిర్వహించారు. మండల ఆర్యవైశ్య సంఘం ఆధ్వర్యంలో జరిగిన ఈ కార్యక్రమానికి మండలంలోని అన్ని గ్రామాల నుండి ఆర్యవైశ్యుల కుటుంబ సభ్యులు, బంధువులు, ఆప్తులు స్నేహితులు, నాయకులు, పెద్దలు, హాజరయ్యారు. తోటలో మొదటగా ఉసిరి, తులసి చెట్ల వద్ద దీపారాధన చేసి పూజలు చేశారు. అనంతరం సామూహికంగా వనభోజనాల కార్యక్రమాన్ని నిర్వహించారు. అనంతరం నూతన అరవైశ్య మహిళా సంఘం కమిటీని ఏకగ్రీవంగా ఎన్నుకున్నారు. అధ్యక్షురాలిగా తల్లాడ సూర్య కళ, ప్రధాన కార్యదర్శిగా ఈగ శ్రీదేవి,కోశాధికారిగా తల్లాడ సుజాతను ఎన్నుకున్నారు. ఈ కార్యక్రమంలో సూర్యాపేట జిల్లా ఆర్యవైశ్య సంఘం రాజకీయ చైర్మెన్‌ తాటికొండ సీతయ్య, జిల్లా ఉపాధ్యక్షులు ఓరుగంటి సత్యనారాయణ, కార్యదర్శి బండారు దయాకర్‌, మండల ఆర్యవైశ్య సంఘం అధ్యక్షులు ఓరుగంటి శ్రీనివాస్‌,ప్రధాన కార్యదర్శి ఈగ నాగన్న ,కోశాధికారి మా శెట్టి వెంకన్న, ఉపాధ్యక్షులు మా శెట్టి సోమన్న, భవన నిర్మాణం సంఘం అధ్యక్షులు పోలవరపు సంతోష్‌, గుమ్మడవెల్లి శ్రీనివాస్‌, సామా వెంకన్న, తల్లాడ కేదారి, ఆర్యవైశ్య మహిళలు, అధిక సంఖ్యలో పాల్గొన్నారు.
