- జీఎంపీఎస్‌ జిల్లా ప్రధాన కార్యదర్శి వీరబోయిన రవి
నవతెలంగాణ-పెన్‌పహాడ్‌
             గొల్ల కురుమల అందరికీ గొర్రెలకు బదులుగా బదిలీ చేసే వరకు తమ పోరాటం ఆగదని గొర్రెలు మేకల పెంపకందారుల సంఘం జిల్లా ప్రధానకార్యదర్శి వీరబోయిన రవి ప్రభుత్వాన్ని హెచ్చరించారు. గురువారం మండల పరిధిలోని లింగాల గ్రామంలో శుక్రవారం మండల కేంద్రంలో జరిగే ఆ సంఘం మండల మహాసభకు సంబందించిన కరపత్రాన్ని ఆయన ఆవిష్కరించారు. ఈ సందర్భంగా ఆయన మాట్లాడుతూ మాట్లాడుతూ, ప్రభుత్వం ప్రతిష్టాత్మకంగా తీసుకున్న గొర్రెల పంపిణీ పథకంలో అనేక అవకతవకలు జరుగుతున్నాయని, గొర్రెలను పంపిణీలో అంతా అవినీతి జరుగుతుందని ఆయన విమర్శించారు. గొర్రెల, మేకల పెంపకందారుల సంఘం రెండు సంవత్సరాల నుండి పోరాట ఫలితంగా మునుగోడు ఎన్నికల ముందు నగదు బదిలీకి ప్రభుత్వం అనుమతి ఇచ్చి, ఇప్పుడు ప్రభుత్వం మాట మార్చడం సరికాదన్నారు. ఈ కార్యక్రమంలో సొసైటీ అధ్యక్షులు కన్నెబోయిన ఎర్రయ్య, సంఘ నాయకులు లోడంగి సంజీవరావు, వీరబోయిన వెంకన్న, కమ్మనబోయిన నాగరాజు, లొడంకి పాల్‌ రాజు, సుంకరబోయిన బిక్షం, తదితరులు పాల్గొన్నారు.