- ఎమ్మెల్యే పైళ్ల శేఖర్‌రెడ్డి
నవతెలంగాణ- బీబీనగర్‌
కల్యాణ లక్ష్మి, షాదీ ముబారక్‌ లాంటి పథకాలు పేదవర్గ ప్రజలకు ఒక వరం లాంటిదని భువనగిరి ఎమ్మెల్యే పైళ్ల శేఖర్‌ రెడ్డి అన్నారు. శుక్రవారం మండల కేంద్రంలోని ఎంపీడీవో కార్యాలయంలో 19 చెక్కులను లబ్దిదారులకు పంపిణీ చేశారు. ఈ సందర్భంగా ఆయన మాట్లాడుతూ ప్రభుత్వ పథకాలను ప్రజలు సద్వినియోగం చేసుకోవాలన్నారు. అనంతరం లబ్దిదారులతో కలిసి భోజనం చేశారు. అంతకు ముందుగా మండలంలోని జమిలపేట్‌, జియాపల్లి, రాయరావుపేట్‌,గూడూరు, ముగ్దుంపల్లి,రావిపహాడ్‌ తండా, బ్రాహ్మణపల్లి, బీబీనగర్‌, పడమటి సోమవారం, వెంకిర్యాల, మక్తానంతారం, తదితర గ్రామాల్లో హెచ్‌ఎండీిఏ, ఎస్‌డీఎఫ్‌, నిధుల ద్వారా చేపట్టిన పలు అభివృద్ధి కార్యక్రమాలను ఆయనప్రారంభించారు. ఈ కార్యక్రమంలో ఎంపీపీ యెరుకల సుధాకర్‌ గౌడ్‌, వైస్‌ ఎంపీపీ వాకిడి గణేష్‌ రెడ్డి, పీఏసీఎస్‌చైర్మెన్‌ మెట్టు శ్రీనివాస్‌ రెడ్డి, టీఆర్‌ఎస్‌ రాష్ట్ర నాయకులు గోలి పింగళ్‌ రెడ్డి, బీబీనగర్‌ గ్రామ సర్పంచ్‌ మల్లగారు భాగ్యలక్ష్మి శ్రీనివాస్‌, ఆయా గ్రామాల సర్పంచులు, ఎంపీటీసీలు, మండల అధ్యక్షులు రాచమల్ల శ్రీనివాస్‌, ఎంపీడీవో శ్రీవాణి, తహసీిల్దారు అశోక్‌ రెడ్డి, తదితరులు పాల్గొన్నారు.
