- అభినందనలు తెలిపిన ఎమ్మెల్యే భాస్కర్‌రావు, గాధరి, సిద్దార్ధ
నవతెలంగాణ-మిర్యాలగూడ
            నల్లగొండ జిల్లా టీఆర్‌ఎస్‌ మాజీ అధ్యక్షులు, మిర్యాలగూడ మాజీ శాసనసభ్యులు తిప్పన విజయసింహారెడ్డి టీఎస్‌ ఆగ్రోస్‌ ఇండిస్టీస్‌ డెవలప్మెంట్‌ చైర్మెన్‌గా ఆదివారం ప్రమాణం స్వీకారం చేశారు. హైదరాబాద్‌ నగరంలో నాంపల్లిలోని రెడ్‌ హిల్స్‌లో జరిగిన ఈ కార్యక్రమంలో వ్యవసాయ శాఖ మంత్రి సింగిరెడ్డి నిరంజన్‌రెడ్డి, విద్యుత్‌శాఖ మంత్రి గుంటకండ్ల జగదీశ్‌రెడ్డి, ఇతర ప్రజాప్రతినిధులతో కలిసి మిర్యాలగూడ శాసనసభ్యులు నల్లమోతు భాస్కర్‌ రావు, గాధరి కిషోర్‌, యువనేత నల్లమోతు సిద్దార్ధ పాల్గొన్నారు. టీఎస్‌ ఆగ్రోస్‌ ఇండిస్టీస్‌ డెవలప్మెంట్‌ చైర్మెన్‌గా ప్రమాణం చేసిన తిప్పన విజయసింహారెడ్డికి పుష్పగుచ్ఛం అందజేసి శాలువాలతో ఘనంగా సన్మానించారు. రానున్న రోజుల్లో తిప్పన విజయసింహారెడ్డి మరెన్నో పదవులను అలంకరించాలని ఆకాంక్షించారు. ప్రత్యేక రాష్ట్ర సాధన కోసం టీఆర్‌ఎస్‌ పార్టీ చేపట్టిన మహౌద్యమంలో తిప్పన విజయసింహారెడ్డి పాత్ర స్ఫూర్తిదాయకమని పేర్కొన్నారు.