- జేఎన్‌టీయు వైస్‌ఛాన్సలర్‌ గోవర్థన్‌
నవతెలంగాణ-చౌటుప్పల్‌
పంచేద్రియానం నయనం ప్రధానమని జేఎన్‌టీయు వైస్‌ ఛాన్సలర్‌ అలిసేరు గోవర్థన్‌ అన్నారు.ఆదివారం చౌటుప్పల్‌ లయన్స్‌ క్లబ్‌ భవన కార్యాలయంలో లయన్స్‌ క్లబ్‌ చౌటుప్పల్‌ సేవా ఆధ్వర్యంలో ఉచిత కంటి వైద్య శిబిరం నిర్వహించారు. ఈ శిబిరాన్ని ఆయన ప్రారంభించి మాట్లాడారు. లయన్స్‌ క్లబ్‌ ఏర్పడిన కొన్ని సంవత్సరాల్లోనే మున్సిపాలిటీ చుట్టుపక్కల గ్రామాల పేద ప్రజలకు అనేక సహాయ సహకారాలు అందించడం గొప్ప విషయమన్నారు.ప్రభుత్వ పాఠశాలలు, అంగన్‌వాడీకేంద్రాల్లో సిమెంట్‌ బెంచీలు, ఆట వస్తువులు, ఉచిత వైద్య, రక్తదాన శిబిరాలు, అన్నదాన కార్యక్రమాలు నిర్వహించడం అభినందనీయమన్నారు.తాను కూడా చౌటుప్పల్‌ పట్టణానికి చెందినవాడినని, తన వంతు సహాయ సహకారాలు అందించి ముందుంటానని తెలిపారు.క్లబ్‌ ఆధ్వర్యంలో గోవర్థన్‌ను పూలమాలలు, శాలువాలతో ఘనంగా సన్మానించారు.దాచేపల్లి ప్రకాశ్‌ అధ్యక్షతన నిర్వహించిన ఈ కార్యక్రమంలో క్లబ్‌ అధ్యక్షులు కాసుల వెంకటేశం, గోశిక కరుణాకర్‌, మొగుదాల రమేశ్‌గౌడ్‌, కటకం ప్రశాంత్‌, కొసనం రాంరెడ్డి, నాంపల్లి రమేశ్‌, పోలోజు రాజుచారి, శ్రీనివాస్‌చారి, ఉప్పు అంజనేయులు, ఎమ్‌డి.అత్తార్‌పాషా, బత్తిని రఘు, దాచేపల్లి శ్రీనివాస్‌, రాజు, వైద్యులు పాల్గొన్నారు.
