- పీఎస్‌వీజీ ఫౌండేషన్‌ అధ్యక్షులు పాలకుర్ల మురళి
నవతెలంగాణ-చౌటుప్పల్‌
విద్యార్థులు బాగా చదివి ఉన్నత శిఖరాలు అధిరోహించాలని పీఎస్‌వీజీ ఫౌండేషన్‌ అధ్యక్షులు పాలకుర్ల మురళి తెలిపారు. గురువారం చౌటుప్పల్‌ మున్సిపల్‌ కేంద్రంలోని కస్తూర్భాగాంధీ బాలికల విద్యాలయంలో డాక్టర్‌ శ్రీనివాస రామానుజన్‌ జయంతిని నిర్వహించారు. ఈ సందర్భంగా ఆయన ముఖ్య అతిథిగా పాల్గొని రామానుజన్‌ చిత్రపటానికి పూలమాలలు వేసి నివాళులర్పించారు. విద్యార్థినులకు నిర్వహించిన వివిధ క్రీడా పోటీల్లో విజేతలకు బహుమతులు అందజేశారు. అనంతరం ఆయన మాట్లాడుతూ విద్యార్థినులు రామానుజన్‌ను ఆదర్శంగా తీసుకొని అన్ని రంగాల్లో గొప్పగా రాణించాలన్నారు. విద్యార్థినులకు విద్యకు సంబంధించి తాను ఆర్థిక సహాయ సహకారాలు అందిస్తానని తెలిపారు. ఈ కార్యక్రమంలో కేజీబీవీ స్పెషల్‌ ఆఫీసర్‌ కె.భవానీ, ఉపాధ్యాయులు సునీత, వనిత, జ్యోతి, సల్మా సుల్తానా, ప్రమీల, పీఎస్‌వీజీ సభ్యులు తరుణ్‌శ్రీ, కావ్య పాల్గొన్నారు.
