- సీపీఐ(ఎం) జిల్లా కార్యదర్శి ఎండి. జహంగీర్‌
నవతెలంగాణ - భువనగిరి
స్వాతంత్య్ర సమరయోధులు, కమ్యూనిస్టు నాయకులు జైని మల్లయ్యగుప్త మరణం కమ్యూనిస్టు ఉద్యమానికి తీరనిలోటు అని సీపీఐ(ఎం) జిల్లా కార్యదర్శి ఎండి.జహంగీర్‌ అన్నారు. గురువారం ఆ పార్టీ జిల్లా కమిటీ ఆధ్వర్యంలో మల్లయ్య భౌతికకాయాన్ని సందర్శించి పూలమాల వేసి జోహార్లు అర్పించారు. అనంతరం ఆయన మాట్లాడుతూ.మల్లయ్య గుప్త నేటి తరానికి ఆదర్శమూర్తి అని కొనియాడారు. వీర తెలంగాణ సాయుధ రైతాంగ పోరాటంలో ప్రత్యేకంగా పాల్గొన్న వ్యక్తి అని తెలిపారు. భువనగిరి పట్టణంలో ప్రజాప్రతినిధిగా, మున్సిపల్‌ వైస్‌ చైర్మెన్‌గా గెలిచి అనేక సమస్యలను పరిష్కరించడంలో ముందు పాత్ర పోషించారన్నారు. కమ్యూనిస్టు పార్టీ విలువలను పాటిస్తూ ఆచరణ శీలిగా ఆదర్శ ప్రాయునిగా ఉన్నారని తెలిపారు. కమ్యూనిస్టు పార్టీ ఉద్యమంలో తమదైన ముద్ర వేసుకున్నారన్నారు. నిబద్దత గల నిజమైన కమ్యూనిస్టుగా నాయకునిగా పేరు తెచ్చుకున్నారన్నారు. నివాళులర్పించిన వారిలో ఆ పార్టీ రాష్ట్ర కమిటీ సభ్యులు కొండమడుగు నర్సింహ, బట్టుపల్లి అనురాధ, జిల్లా కార్యదర్శివర్గ సభ్యులు మాటూరి బాలరాజు, జిల్లా కమిటీి సభ్యులు గడ్డం వెంకటేష్‌, ప్రజా సంఘాల నాయకులు వనం రాజు, ఈర్లపల్లి ముత్యాలు, వడ్డెబోయిన వెంకటేష్‌, కొలుపుల వివేకానంద పాల్గొన్నారు.
ఘన నివాళి
తెలంగాణ సాయుధ పోరాట యోధులు జైని మల్లయ్య మృతి పట్ల పలువురు సంతాపం వ్యక్తం చేశారు. హైదరాబాదులో మృతిచెందగా స్వగ్రామమైన భువనగిరికి తీసుకొచ్చారు. స్థానిక సీపీఐ కార్యాలయంలో భౌతికకాయాన్ని సందర్శకుల నిమిత్తం పెట్టారు. జిల్లా కార్యదర్శి గోదా శ్రీరాములు ఆయన భౌతిక కాయానికి గురువారం పూలమాలవేసి నివాళులర్పించారు. ఉభయ కమ్యూనిస్టు పార్టీలు నల్లజెండాలతో సంతాపం వ్యక్తం చేశారు. డిటిఎఫ్‌ నాయకులుప్రముఖ జర్నలిస్టు సామ మల్లారెడ్డి, రైతు సమన్వయ సమితిజిల్లా కన్వీనర్‌ కొల్పుల అమరేందర్‌, జిల్లా గ్రంథాలయ సంస్థల చైర్మెన్‌్‌ డాక్టర్‌ జడల అమరేందర్‌ గౌడ్‌, మున్సిపల్‌ చైర్మన్‌ ఎనబోయిన ఆంజనేయులు,పీసీసీి కార్యదర్శి పోత్నక్‌ ప్రమోద్‌ కుమార్‌, మాజీ కార్యదర్శి తంగళ్ళపల్లి రవికుమార్‌, పట్టణ కాంగ్రెస్‌ అధ్యక్షుడు బిసుకుంట్ల సత్యనారాయణ, వర్తకులు పసుపునూరి నాగభూషణం, జిల్లా రమణ, వైఎల్‌ఎన్‌ఎస్‌ బ్యాంకు చైర్మెన్‌ ్‌ మందాడి వెంకట రెడ్డి, వైస్‌ చైర్మెన్‌్‌ కొలుపుల వివేకానంద, మార్కెట్‌ కమిటీ చైర్మెన్‌ ఎడ్ల రాజేందర్‌ రెడ్డి, ప్రముఖ కవి కూరేళ్ల విఠలాచార్య, శ్రీనివాస్‌, తదితరులు నివాళులర్పించారు.
