నవతెలంగాణ-భువనగిరిరూరల్‌
టీయూడబ్య్లూజే-143 నల్లగొండ జిల్లా అధ్యక్షులుగా నల్లగొండ జిల్లా ప్రధాన కార్యదర్శి, నల్లగొండ ప్రెస్‌ క్లబ్‌ అధ్యక్షుడు గుండగోని జయశంకర్‌గౌడ్‌ ఏకగ్రీవంగా ఎన్నికయ్యారని తెలంగాణ రాష్ట్ర మీడియా అకాడమీ చైర్మెన్‌ అల్లం నారాయణ తెలిపారు.ఉమ్మడి నల్లగొండ జిల్లా టీయూడబ్య్లూజే మహాసభలు యాదాద్రి భువనగిరి జిల్లాలో నిర్వహించగా నల్లగొండ జిల్లా కమిటీని ఏకగ్రీవంగా ఎన్నుకున్నామన్నారు.గతంలో జిల్లా ప్రధానకార్యదర్శిగా ఉంటూ జిల్లాలోని జర్నలిస్టుల సంక్షేమ కోసం సంక్షేమపథకాలు అందేలా కృషి చేయడంతో పాటు యూనియన్‌ బలోపేతానికి ఎంతో కృషి చేయడంతో ఆయన సేవలను గుర్తించి జిల్లా అధ్యక్షులుగా జయశంకర్‌గౌడ్‌ ఎన్నికయ్యారని తెలిపారు.తమకు ఇప్పటివరకు జిల్లా ప్రధాన కార్యదర్శిగా సేవలందించి, జిల్లాలో యూనియన్‌ బలోపేతానికి కృషి చేసిన గుండగోని జయశంకర్‌గౌడ్‌ నల్లగొండ జిల్లా అధ్యక్షులుగా ఏకగ్రీవంగా ఎన్నిక కావడంపై నల్లగొండ జిల్లా టీయూడబ్ల్యూజే సభ్యులు హర్షం వ్యక్తం చేశారు.ఈ మేరకు యూనియన్‌ జిల్లా రాష్ట్ర అధ్యక్షుడు, ప్రెస్‌ అకాడమీ చైర్మెన్‌ అల్లం నారాయణ ప్రకటన విడుదల చేశారు.నూతన జిల్లా అధ్యక్షులుగా ఎన్నికైన జయశంకర్‌గౌడ్‌కు అభినందనలు తెలిపారు.వారు పత్రికా స్వేచ్ఛను కాపాడటానికి, జర్నలిజంలో నైతిక విలువలను పెంపొందించడానికి కృషి చేస్తారని ఆశాభావం వ్యక్తం చేశారు.ఇక జిల్లా అధ్యక్షులుగా ఏకగ్రీవంగా ఎన్నికైన గుండగోని జయశంకర్‌గౌడ్‌ టీయూడబ్ల్యూజే నాయకులకు, సభ్యులకు అభినందనలు తెలిపారు.
