- ఎమ్మెల్సీ కృష్ణారెడ్డి
నవతెలంగాణ-భువనగిరి
తెలంగాణ ఉద్యమంలో జర్నలిస్టుల పాత్ర మరువలేనిదని ఎమ్మెల్సీ ఎలిమినేటి కృష్ణారెడ్డి అన్నారు. ఈనెల 08 నుండి 10 వరకు రాష్ట్ర రాజధానిలో జరగబోయే తెలంగాణ యూనియన్‌ ఆఫ్‌ వర్కింగ్‌ జర్నలిస్ట్‌ (టీయూడబ్ల్యూజే) రాష్ట్ర మహాసభ వాల్‌పోస్టర్లను శనివారం భువనగిరి పట్టణంలోని ఆయన నివాసంలో అవిష్కరించారు. ఈసందర్భంగా ఆయన మాట్లాడుతూ తెలంగాణ రాష్ట్ర ఏర్పాటులో జర్నలిస్టుల పాత్ర కీలకమన్నారు. వార్తల సేకరణలో వాటిని ప్రచురించడంలో జర్నలిస్టుల కృషి మరువలేనిదన్నారు. గత ప్రభుత్వాలకంటే నేడు తెలంగాణ ప్రభుత్వం జర్నలిస్టుల సంక్షేమం కోసం ఎంతో కృషి చేస్తుందన్నారు.ఈ కార్యక్రమంలో టీయూడబ్ల్యూజే(హెచ్‌-143) జిల్లా నాయకులు, జూకంటి అనిల్‌, జాన్సన్‌, దుడక రామకృష్ణ, కెేతావత్‌ తిరుపతినాయక్‌, ఉపేందర్‌రెడ్డి, శ్రీవారి, కందుల శ్రీనివాస్‌, ఇంతియాజ్‌, ఇస్తీయక్‌, గోవర్ధనాచారి, సకృనాయక్‌, శ్రీహరి, శేఖర్‌, చంద్రం, శివ, శ్రీశైలం, రాజు, నర్సింహ, జాకీర్‌,దిలీప్‌, బాలరాజు పాల్గొన్నారు.
