నవతెలంగాణ- భువనగిరిరూరల్‌
కల్తీ పాలు అమ్ముతున్న వ్యక్తులను అరెస్టు చేసి , కేసు నమోదు చేసిన సంఘటన మండల పరిధిలోని బి ఎన్‌ తిమ్మాపురం లో ఆదివారం చోటుచేసుకుంది. పోలీసులు తెలిపిన వివరాల ప్రకారం .. భువనగిరి మండలం బి.యన్‌. తిమ్మాపురం గ్రామంకి చెందిన ఎరుకల భాస్కర్‌, ఎరుకల బాలనర్సయ్య, నకిరేకంటి రాజు అనే వ్యక్తులు హైడ్రోజన్‌ పెరాక్సైడ్‌, పాలు తెలుపు రంగు రావడం కోసం పౌడర్‌ ని కలిపి, కల్తీ పాలు అమ్ముతున్న వ్యక్తులను నమ్మదైన సమాచారం నిమిత్తం భువనగిరి యస్‌.ఓ.టి. పోలీసులు , భువనగిరి రూరల్‌ పోలీసులు కలిసి పట్టుకొని అట్టి వ్యక్తులను అరెస్టు చేసి కేసు నమోదు చేసి, నిందితుల నుండి 120 లీటర్ల పాలు, డాల్ఫర్‌ ఫ్రెష్‌ మిల్క్‌ పౌడర్‌, హైడ్రోజన్‌ పెరాక్సైడ్‌, హైడ్రో క్లోరిక్‌ యాసిడ్‌, మిక్సింగ్‌ రాడ్‌ ను స్వాధీనం చేసుకున్నట్లు తెలిపారు.
మీ స్నేహితులకు రికమెండ్ చెయ్యండి
