నవతెలంగాణ-నార్కట్‌పల్లి
రైతులుపండించిన పంటకు మద్దతు ధర ఇవ్వాలని రైతులు వాడుకునే వ్యవసాయ పనిముట్లకు రైతులకు సబ్సిడీ ఇవ్వాలని డిమాండ్‌ చేస్తూ నకిరేకల్‌ లో ఈనెల 26న రైతుల ట్రాక్టర్‌ ర్యాలీ విజయవంతం చేయాలని సీపీఐ(ఎం) జిల్లా కమిటీ సభ్యులు ఎస్‌ ఆర్‌ వెంకటేశ్వర్లు కోరారు .మంగళవారం స్థానిక ఆ పార్టీ ఆఫీసులో జరిగిన సమావేశానికి ముఖ్య అతిథిగా హాజరై మాట్లాడారు. నకిరేకల్‌ లో నియోజకవర్గ వ్యాప్తంగా 500 ట్రాక్టర్లతో ట్రాక్టర్‌ ర్యాలీ నిర్వహించనున్నట్టు తెలిపారు. కేంద్ర ప్రభుత్వం రైతులుపండించిన పంటకు మద్దతు ధర ఇవ్వాలని ,రైతులు వాడుకునే వ్యవసాయ పనిముట్లకు రైతులకు సబ్సిడీ ఇవ్వాలని డిమాండ్‌ చేశారు. ఈ కార్యక్రమంలో మండల కార్యదర్శి చెరుకు పెద్దులు, వైస్‌ ఎంపీపీ కల్లూరి యాదగిరి, మత్స్య కార్మిక సంఘం జిల్లా అధ్యక్షుడు గాలి నరసింహ, సిఐటియు జిల్లా ఉపాధ్యక్షులు చింతపల్లి బయన్న కెవిపిఎస్‌ మండల కార్యదర్శి దండు రవి, ఆమనగంటి ఐలయ్య ,సోమనబోయిన సైదులు, శంకర్‌ రెడ్డి, తదితరులు పాల్గొన్నారు.
