నవతెలంగాణ -యాదగిరిగుట్ట
ఆరుట్ల కమలాదేవి రామచంద్ర రెడ్డి ఫౌండేషన్‌ సేవలు అభినందనీయమని సీపీఐ జిల్లా కార్యదర్శి గోదా శ్రీరాములు అన్నారు .గురువారం మున్సిపల్‌ పరిధిలోని కొత్త గుండ్లపల్లి లో ఫౌండేషన్‌ ఆధ్వర్యంలో వృద్ధులకు చేతి కర్రలను పంపిణీ చేశారు. ఈ సందర్భంగా ఆయన మాట్లాడుతూ ఆరుట్ల ఫౌండేషన్‌ ఆధ్వర్యంలో నియోజకవర్గంలోని వివిధ గ్రామాల్లో స్వచ్ఛంద సేవా కార్యక్రమాలు నిర్వహించడం హర్షణీయమన్నారు. తెలంగాణ సాయుధ పోరాట యోధులు ఉద్యమానికి ఆదర్శంగా నిలిచి పేద ప్రజలను ఏకం చేసి పోరాటాల నిర్వహించిన ఆరుట్ల దంపతులపై పేరుపై ఫౌండేషన్‌ ఏర్పాటు కావడం ఆనందంగా ఉందన్నారు. ఈ కార్యక్రమంలో ఫౌండేషన్‌ ఫౌండర్‌ ఆరుట్ల సుశీల దేవి ,సిపిఐ జిల్లా కార్యవర్గ సభ్యులు కోల్లురి రాజయ్య, బండి జంగమ్మ ,జిల్లా కమిటీ సభ్యులు బబ్బురి శ్రీధర్‌ ,మున్సిపల్‌ కోఆప్షన్‌ సభ్యులు పేరబోయిన పెంటయ్య ఏఐవైఎఫ్‌ జిల్లా కార్యదర్శి పేరబోయిన మహేందర్‌ ,బంగారు ముక్కెర్ల పెంటయ్య పాకాల పాటి రాజు ,గ్రామస్తులు పాల్గొన్నారు.
