నవతెలంగాణ-చిలుకూరు
సంక్రాంతి పండుగకు ప్రతి ఇంటి ముందు కనువిందులైన ముగ్గులతో అలంకరించుకోవడమే సంక్రాంతి పండుగకు నిదర్శనమని సీపీఐ(ఎం) అనుబంధ సంఘమైన వ్యవసాయ కార్మిక సంఘం మండల అధ్యక్షులు మైలార్‌ శెట్టి లింగయ్య అన్నారు. మండలంలోని ఆచర్లగూడెం గ్రామంలో సంక్రాంతి పండుగ సందర్భంగా నిర్వహించిన ముగ్గుల పోటీలో ముఖ్య అతిథిగా ఆయన పాల్గొని మాట్లాడారు. పార్టీ ఆధ్వర్యంలో ప్రతి సంవత్సరం నిర్వహించే విధంగానే ఈ సంవత్సరం కూడా నిర్వహిస్తున్నామన్నారు.గెలుపొందిన వారికి బహుమతులు అందజేశారు. ప్రథమ బహుమతి ముసి శీను రాగి బిందెను బహూకరించగా రెండవ బహుమతి మొలుగూరి నాగరాజు రైసు కుక్కర్‌ మూడవ బహుమతి కాకి సీతారాం స్టీల్‌ క్యాన్‌ నాలుగవ బహుమతి సా రెడ్డి వినోద వీరారెడ్డి మూడు గిన్నెల క్యారేజీ ఐదోవ బహుమతి పేర బోయిన ఉజ్వల హాట్‌ బాక్స్‌ దాతలుగా అందించారన్నారు. ఈ కార్యక్రమంలో వ్యవసాయ కార్మిక సంఘం జిల్లా కమిటీ సభ్యులు నారా సాని వెంకటేశ్వర్లు, గ్రామ సర్పంచ్‌ ముసి లక్ష్మీనారాయణ, వ్యవసాయ కార్మిక సంఘం గ్రామ శాఖ అధ్యక్షులు గట్టు లింగయ్య, గ్రామ పెద్దలు తదితరులు పాల్గొన్నారు.
