నవతెలంగాణ- వలిగొండ రూరల్‌
           మండల పరిధిలోని నెమలి కాల్వ గ్రామం నుండి జాలు కాలువ గ్రామం వరకు దివిస్‌ వారి సహకారంతో చేపట్టిన పంట కాలువ పూడికతీత పనులను శుక్రవారం ఆయా గ్రామాల సర్పంచులు వంగాల బిక్షపతి గౌడ్‌, మద్దెల సందీప్‌ ప్రారంభించారు. ఈ సందర్భంగా సర్పంచులు మాట్లాడుతూ ఈ కాలువ వల్ల రెండు గ్రామాల ప్రజలకు ఎంతో మేలు జరుగుతుందన్నారు. ఇలాంటి కార్యక్రమాలు దివిస్‌ వారు నిర్వహించడం అభినందనీయమని అన్నారు. దివిస్‌ వారికి రైతుల తరఫున ప్రత్యేక కృతజ్ఞతలు తెలిపారు. ఈ కార్యక్రమంలో కొండ నరసింహ, రేగు మల్లేష్‌, నరేందర్‌ రెడ్డి, కృష్ణ, దివిస్‌ సి ఎస్‌ ఆర్‌ ఇంచార్జ్‌ వల్లూరి వెంకట్‌ రాజు, అంకం రావు, సాయి కృష్ణ, రైతులు పాల్గొన్నారు.