- ఎంపీపీ బీరవోలు రవీందర్‌ రెడ్డి
నవతెలంగాణ -సూర్యపేట రూరల్‌
రాష్ట్ర విద్యుత్‌ శాఖ మంత్రి గుంటకండ్ల జగదీష్‌ రెడ్డి యువతను అన్ని రంగాలలో ప్రోత్సహిస్తున్నారని ఎంపీపీ బీరవోలు రవీందర్‌ రెడ్డి అన్నారు.బుధవారం గణతంత్ర దినోత్సవ వేడుకల్లో భాగంగా ఎండ్లపల్లి గ్రామంలో గల పాఠశాలలో పాల్గొని క్రీడల్లో గెలుపొందిన విద్యార్థులకు బహుమతులు ప్రదానం చేసి మాట్లాడారు.రాష్ట్ర ముఖ్యమంత్రి కేసీఆర్‌ నాయకత్వంలో విద్యావ్యవస్థ ఎంతో బలోపేత మైందని వివరించారు. అదేవిధంగా ఉమ్మడి నల్లగొండ జిల్లాలో అన్ని పాఠశాలల అభివృద్ధి కోసం మంత్రి జగదీష్‌ రెడ్డి ఎంతో కృషి చేస్తున్నారని తెలిపారు. ఈ కార్యక్రమంలో పాఠశాల ప్రధానోపాధ్యాయులతో పాటు ఎస్‌ఎంసి చైర్మన్‌ సత్యమూర్తి, వార్డు నెంబర్‌ ఉయ్యాల సైదులు తదితరులు పాల్గొన్నారు.