నవతెలంగాణ-తిరుమలగిరి
ప్రముఖ సినీ హీరో డాక్టర్‌ తల్వార్‌ సుమన్‌ చేతుల మీదుగా టీఎస్‌ఆర్టీసీ ఎంప్లాయీస్‌ వెల్ఫేర్‌ సొసైటీ క్యాలెండర్‌ను హైదరాబాద్‌లో ఆదివారం ఆవిష్క రించారు.ఈ సందర్భంగా హీరో సుమన్‌ మాట్లాడుతూ ఆర్టీసీ ఉద్యోగులు, అధికారులు, ప్రభుత్వం సమన్వయంతో ముందుకు నడు స్తున్నారన్నారు.దీంతో ఆర్టీసీ లాభాల వైపు పయని స్తుందన్నారు.ఉద్యోగులు సంస్థ అభ్యున్నతికి ఎనలేని కృషి చేస్తున్నారన్నారు. ఉద్యోగుల సమస్య పట్ల ప్రభుత్వం కూడా మానవీయ కోణంలో పరిష్కార మార్గాలు చూడాలని కోరారు.టీఎస్‌ఆర్టీసీ మరొక అద్భుతమైన కార్యక్రమం సామాన్య ప్రజలకు సహితం వారి సామగ్రిని మరొక చోటుకు తరలించేందుకు కార్గో సర్వీస్‌ను అందుబాటులోకి తెచ్చిందన్నారు. అదేవిధంగా అనేక రాయితీలతో సామాన్య ప్రజలకు ఎనలేని సేవలు అందిస్తుందన్నారు.అటువంటి సంస్థకు తాను రాష్ట్ర గౌరవ అధ్యక్షులుగా ఉండడాన్ని గర్వపడుతున్నట్టు తెలిపారు.ఈ కార్యక్రమంలో అధ్యక్షులు అనంతుల శ్రీనివాస్‌ గౌడ్‌, సహాయ కార్యదర్శి ముత్తినేని హనుమంతు, ప్రచార కార్యదర్శి కామగాని సురంభ, సినీ నిర్మాత చందర్‌గౌడ్‌, గౌడ విద్యార్థిసంఘం రాష్ట్ర అధ్యక్షులు మల్కాపురి శ్రీకాంత్‌గౌడ్‌,వెల్ఫేర్‌ సొసైటీ సభ్యులు ఆలకుంట్ల ఎల్లయ్య, కే. పద్మ, వెంకన్న తదితరులు పాల్గొన్నారు.
