- మృతుడు అమెరికా నుంచి వచ్చిన గుంటూరు వాసి
- అతివేగం, నిద్రమత్తే ప్రమాదానికి కారణం
నవతెలంగాణ-మిర్యాలగూడ
రోడ్డు ప్రమాదంలో వ్యక్తి మృతి చెంది మరో ఇద్దరికి గాయాలైన సంఘటన ఆదివారం తెల్లవారుజామున మిర్యాలగూడ మండలంలో జరిగింది. మిర్యాలగూడ రూరల్‌ పోలీస్‌లు తెలిపిన వివరాల ప్రకారం.. ఆంధ్రప్రదేశ్‌ రాష్ట్రంలోని గుంటూరుకు చెందిన నూర్‌ భాషా కమలహాసన్‌(36) అతని భార్య నూజాత్‌ ఫాతిమా గత కొంతకాలంగా అమెరికాలో నివాసం ఉంటున్నారు. శనివారం అర్ధరాత్రి హైదరాబాదు నుండి శంషాబాద్‌ ఎయిర్పోర్ట్‌లో దిగిన భార్యా భర్తలిద్దరూ తండ్రి నూర్‌ భాషా జానీ పాషా పంపిన కారులో డ్రైవర్‌ కరిముల్లాతో కలిసి గుంటూరుకు బయలుదేరారు. ఆదివారం తెల్లవారుజామున 7.15 గంటల సమయంలో గూడూరు శివారులోని సూర్యనారాయణ ఖాళీ స్థలంలో ఉన్న పోల్సును అతివేగంగా నిద్రమత్తులో ఢకొీట్టాడు. దీంతో కారులో ఉన్న నూర్‌ భాషా కమలహసన్‌ తలకు తీవ్ర గాయాలై అక్కడికక్కడే మృతి చెందాడు. కాగా అతని భార్య నూజత్‌ ఫాతిమా, డ్రైవర్‌ కరీముల్లాకు తీవ్ర గాయాలయ్యాయి. మెరుగైన వైద్య నిమిత్తం హైదరాబాద్‌కు తరలించారు. మృతుడి తండ్రి నూర్‌ భాషా జానీ పాషా ఇచ్చిన ఫిర్యాదు మేరకు రూరల్‌ పోలీసులు కేసు దర్యాప్తు చేస్తున్నారు.
