నవతెలంగాణ- భువనగిరి
భువనగిరి ఎమ్మెల్యేపైళ్ల శేఖర్‌ రెడ్డి సోమవారం పట్టణంలోని ప్రధాన రహదారికి ఇరువైపులా ఫుట్పాత్‌ పనులను పరిశీలించి తగు సూచనలు చేశారు. అనంతరం ప్రభుత్వ జూనియర్‌ కళాశాల ఆవరణలో క్రీడా మైదానం పనులను పరిశీలించి తగు సూచనలు చేశారు. పనులను వేగవంతం చేసి ప్రజలకు అందుబాటులోకి తీసుకురావాలని కోరారు. ఈ కార్యక్రమంలో మున్సిపల్‌ చైర్మెన్‌ ఎనబోయిన ఆంజనేయులు, వైస్‌ చైర్మెన్‌ చింతల కిష్టయ్య, మార్కెట్‌ కమిటీ చైర్మెన్‌్‌ ఎడ్ల రాజేందర్‌ రెడ్డి, కౌన్సిలర్‌ ఎవి. కిరణ్‌ కుమార్‌ పాల్గొన్నారు.
నివాళులు అర్పించిన ఎమ్మెల్యే
భువనగిరి వైఎల్‌ఎన్‌ఎస్‌ బ్యాంకు మేనేజర్‌ నంగునూరి రమణ మృతి కి సంతాపంగా ఎ అర్‌ గార్డెన్స్‌ లో ఏర్పాటు చేసిన సమావేశంలో ఎమ్మెల్యే పైళ్ల శేఖర్‌ రెడ్డి పాల్గొని అయన చిత్ర పటానికి పూలమాల వేసి నివాళులర్పించారు. ఈ కార్యక్రమంలో మున్సిపల్‌ చైర్మెన్‌ ఎనబోయిన ఆంజనేయులు, వైస్‌ చైర్మెన్‌ చింతల కిష్టయ్య, వైఎల్‌ఎన్‌ఎస్‌ బ్యాంకు చైర్మన్‌ మందాడి వెంకటరెడ్డి, చవైస్‌ చైర్మన్‌ కొలుపుల వివేకానంద, డైరెక్టర్స్‌ మంచాల ప్రభాకర్‌, సోమరాజిరెడ్డి, నాయకులు ఇట్టబోయిన గోపాల్‌ పాల్గొన్నారు.
