పవన్‌కళ్యాణ్‌, క్రిష్‌ కాంబినేషన్‌లో మెగా సూర్య ప్రొడక్షన్‌ సంస్థ నిర్మిస్తున్న భారీ చిత్రం 'హరి హర వీరమల్లు'. ఈ చిత్రానికి సంబంధించి షూటింగ్‌ ఏకధాటిగా జరుగుతోంది. ఈ నేపథ్యంలో నిర్మాణ సంస్థ మెగా సూర్య ప్రొడక్షన్‌ ఈ చిత్రానికి సంబంధించి అప్‌డేట్‌ని తెలిపింది.
'చారిత్రాత్మక ప్రాముఖ్యత కలిగిన నాణ్యమైన చిత్రాన్ని రూపొందించడం కాలానికి పరీక్షగా నిలుస్తుంది. సూక్ష్మమైన వివరాలు, పరిశోధన, వందలాది తారాగణం, సిబ్బంది అపారమైన కషి అవసరమవుతుంది. అక్టోబర్‌ చివరి వారం నుండి షెడ్యూల్‌ ప్రకారం రామోజీ ఫిల్మ్ సిటీలో వేసిన భారీ సెట్‌లో ఈ సినిమా చిత్రీకరణ శరవేగంగా సాగుతోంది. పవన్‌ కళ్యాణ్‌తో పాటు 900 మంది నటీనటులు, సిబ్బంది చిత్రీకరణలో పాల్గొంటున్నారు. ఇదొక ఒక మైలురాయి చిత్రం అవుతుందని, ప్రపంచవ్యాప్తంగా ప్రేక్షకులంతా సంబరాలు జరుపుకుంటారని మేము చాలా నమ్మకంగా ఉన్నాం. వెండితెరపై అద్భుతాన్ని సష్టించడానికి మేం చేస్తున్న ఈ గొప్ప ప్రయత్నంలో ముందుకు సాగడానికి మీ అందరి ప్రేమ, మద్దతు మాకు ఇలాగే నిరంతరం అందిస్తారని కోరుకుంటున్నాం' అని చిత్ర నిర్మాణ సంస్థ మెగా సూర్య ప్రొడక్షన్‌ తెలిపింది.
