శివరాజ్‌ కుమార్‌ నటిస్తున్న పాన్‌ ఇండియా చిత్రం 'ఘోస్ట్‌'. ఈ సినిమా శరవేగంగా షూటింగ్‌ జరుపుకుంటోంది. కన్నడ, తెలుగు, తమిళ్‌, మలయాళం, హిందీ భాషల్లో భారీ స్థాయిలో తెరకెక్కుతున్న ఈ యాక్షన్‌ హైస్ట్‌ థ్రిల్లర్‌కి 'బీర్బల్‌' దర్శకుడు శ్రీని దర్శకత్వం వహిస్తుండగా, ప్రముఖ రాజకీయవేత్త, నిర్మాత సందేశ్‌ నాగరాజ్‌ తమ సందేశ్‌ ప్రొడక్షన్స్‌ బ్యానర్‌ పై ప్రతిష్టాత్మకంగా నిర్మిస్తున్నారు. 28 రోజుల పాటూ సాగిన మొదటి షెడ్యూల్‌ను ఈ సినిమా ఇటీవల పూర్తి చేసుకుంది. ఈ షెడ్యూల్‌లో రూ 6 కోట్ల వ్యయంతో భారీగా వేసిన జైల్‌ ఇంటీరియర్‌ సెట్‌లో చిత్రీకరణ జరుపుకుంది. ఈ నేపథ్యంలో మొదటి షెడ్యూల్‌కి సంబందించిన మేకింగ్‌ స్టిల్స్‌, వీడియోని విడుదల చేశారు మేకర్స్‌. అర్జున్ జన్య అద్భుతమైన బిజీఎమ్‌తో ఉన్న ఈ మేకింగ్‌ వీడియో సినిమా ఎంత భారీ స్థాయిలో తెరకెక్కుతోందో తెలియజేస్తోంది. డిసెంబర్‌ రెండో వారం నుండి రెండో షెడ్యుల్‌ చిత్రీకరణ ప్రారంభమవుతుంది. ఈ షెడ్యుల్‌ కోసం ప్రిజన్‌ బయటి లుక్‌ సెట్‌ను భారీ వ్యయంతో నిర్మిస్తున్నారు. తాజాగా మేకర్స్‌ విడుదల చేసిన శివ రాజ్‌ కుమార్‌ కొత్త పోస్టర్‌ అంచనాలను పెంచుతోంది.
మలయాళ నటుడు జయరామ్‌ కీలక పాత్ర పోషిస్తుండగా ప్రశాంత్‌ నారాయణ్‌, అచ్యుత్‌ కుమార్‌, దత్తన్న, అవినాష్‌ ఇతర ప్రధాన పాత్రల్లో కనిపిస్తారు. ఈ చిత్రానికి కెమెరా: మహేంద్ర సింహ, సంగీతం : అర్జున్ జన్య, ఆర్ట్‌ : శివ కుమార్‌ (కె జి ఎఫ్‌), డైలాగ్స్‌: మస్తీ ప్రసన్న వి.ఎం.
