నందమూరి బాలకృష్ణ నటిస్తున్న నూతన చిత్రం 'వీరసింహారెడ్డి'. గోపీచంద్‌ మలినేని దర్శకత్వంలో మాస్‌ యాక్షన్‌ ఎంటర్టైనర్‌గా మైత్రీ మూవీ మేకర్స్‌ పతాకంపై ఈ చిత్రం ప్రతిష్టాత్మకంగా తెరకెక్కుతోంది. తాజాగా మేకర్స్‌ ఫస్ట్‌ సింగిల్‌ 'జై బాలయ్య..'తో మ్యూజికల్‌ ప్రమోషన్‌ని ప్రారంభించారు.
బాలకృష్ణ అభిమానులకు నినాదమైన జై బాలయ్యను ఫ్యాన్స్‌ కోసం అదిరిపోయే మాస్‌ సాంగ్‌గా కంపోజ్‌ చేసారు సంగీత దర్శకుడు తమన్‌. ఆయన బాలకృష్ణ స్వాగ్‌, మాస్‌ స్టెప్స్‌ తగినట్లుగా ఈ పాటని అద్భుతంగా స్కోర్‌ చేశారు. కరీముల్లా తన ఎనర్జిటిక్‌ వోకల్స్‌తో ఆకట్టుకోగా తమన్‌ మైండ్‌ బ్లోయింగ్‌ స్కోర్‌ పాటని నెక్స్ట్‌ లెవల్‌కి తీసుకెళ్లింది. రామజోగయ్య శాస్త్రి సాహిత్యం హీరో పాత్ర ఔన్నత్యాన్ని తెలియజేసేలా ఉంది. బాలకృష్ణ డ్యాన్స్‌ మూమెంట్స్‌ అభిమానులను విశేషంగా అలరించాయి. ఈ పాట చాలా కాలం పాటు మ్యూజిక్ చార్టులలో అగ్రస్థానంలో ఉండే అవకాశం ఉంది. బాలకృష్ణ అభిమానులు బిగ్‌ స్క్రీన్లపై వీడియో సాంగ్‌ని చూడటానికి ఎంతో ఆత్రుతగా ఎదురుచూస్తున్నారు. ఈ సినిమా షూటింగ్‌ ప్రస్తుతం హైదరాబాద్‌లో జరుగుతోంది. 2023 సంక్రాంతికి ప్రపంచవ్యాప్తంగా ఈ సినిమా గ్రాండ్‌గా విడుదల కానుంది అని చిత్ర బృందం తెలిపింది.
బాలకృష్ణ సరసన శృతి హాసన్‌ జోడీగా నటిస్తున్న ఈ చిత్రంలో దునియా విజయ్‌, వరలక్ష్మి శరత్కుమార్‌, చంద్రిక రవి (స్పెషల్‌ నంబర్‌) తదితరులు ఇతర ముఖ్య పాత్రలు పోషిస్తున్నారు.ఈ చిత్రానికి కథ, స్క్రీన్‌ప్లే, దర్శకత్వం: గోపీచంద్‌ మలినేని, నిర్మాతలు: నవీన్‌ యెర్నేని, వై రవిశంకర్‌, డివోపీ: రిషి పంజాబీ, ఎడిటర్‌: నవీన్‌ నూలి, ప్రొడక్షన్‌ డిజైనర్‌: ఏఎస్‌ ప్రకాష్‌, డైలాగ్స్‌: సాయి మాధవ్‌ బుర్రా, ఫైట్స్‌: రామ్‌-లక్ష్మణ్‌, వెంకట్‌, సిఈవో: చిరంజీవి (చెర్రీ), ఎగ్జిక్యూటివ్‌ ప్రొడ్యూసర్‌: చందు రావిపాటి, లైన్‌ ప్రొడ్యూసర్‌: బాల సుబ్రమణ్యం కెవివి.
