రవితేజ, త్రినాథరావు నక్కిన కాంబినేషన్‌లో రూపొందుతున్న మాస్‌, యాక్షన్‌ ఎంటర్టైనర్‌ 'ధమాకా'. శ్రీలీల హీరోయిన్‌గా నటిస్తున్న ఈ చిత్రాన్ని టిజి విశ్వ ప్రసాద్‌ భారీగా నిర్మిస్తున్నారు. ఇప్పటికే విడుదలైన ధమాకా పాటలు, టీజర్‌ అద్భుతమైన రెస్పాన్స్‌ తో సినిమాపై భారీ అంచనాలు పెంచాయి. ఇటీవల ఈ చిత్రం నుండి విడుదలైన 'డు డు..' సాంగ్‌ ప్రోమో పాటపై అంచనాలు పెంచింది. శుక్రవారం పూర్తి పాట విడుదలైంది. భీమ్స్‌ సిసిరోలియో ఈ పాటని రవితేజ ఫ్యాన్స్‌కి కిక్‌ ఇచ్చే ఎక్స్‌ట్రార్డినరీ మాస్‌ నెంబర్‌గా కంపోజ్‌ చేశారు.
ఈ పాటలో రవితేజ స్టైలిష్‌ డ్యాన్స్‌ మూమెంట్‌, స్వాగ్‌ మైండ్‌ బ్లోయింగ్‌గా ఉన్నాయి. రామ జోగయ్య శాస్త్రి సాహిత్యం ఈ చిత్రంలో రవితేజ పవర్‌ ఫుల్‌ రోల్‌ని తెలియజేస్తోంది. ఈ పాటని పృధ్వీ చంద్ర ఫెంటాస్టిక్‌గా ఆలపించారు.
పీపుల్‌ మీడియా ఫ్యాక్టరీ, అభిషేక్‌ అగర్వాల్‌ ఆర్ట్స్‌ పతాకాలపై రూపొందుతున్న ఈ చిత్రానికి వివేక్‌ కూచిభొట్ల సహ నిర్మాత. డిసెంబర్‌ 23న ఈ చిత్రం ప్రపంచ వ్యాప్తంగా థియేటర్లో విడుదల కానుంది. ఈ చిత్రానికి కథ, మాటలు: ప్రసన్న కుమార్‌ బెజవాడ, సంగీతం: భీమ్స్‌ సిసిరోలియో, సినిమాటోగ్రఫీ: కార్తీక్‌ ఘట్టమనేని, ఫైట్స్‌: రామ్‌-లక్ష్మణ్‌, ప్రొడక్షన్‌ డిజైనర్‌: శ్రీనాగేంద్ర తంగాల.
