హీరో సంతోష్‌ శోభన్‌ నటిస్తున్న కొత్త సినిమా 'కళ్యాణం కమనీయం'. ఈ చిత్రంతో కోలీవుడ్‌ నాయిక ప్రియా భవానీ శంకర్‌ తెలుగుతెరకు పరిచయం అవుతోంది.
ఈ చిత్రాన్ని యూవీ కాన్సెప్ట్స్‌ సంస్థ నిర్మిస్తోంది. పెళ్లి నేపథ్యంతో సాగే ఆహ్లాదకర కథతో నూతన దర్శకుడు అనిల్‌ కుమార్‌ ఆళ్ల రూపొందిస్తున్నారు. తాజాగా ఈ సినిమా టైటిల్‌ మోషన్‌ పోస్టర్‌తో పాటు ఫస్ట్‌ లుక్‌ను మేకర్స్‌ విడుదల చేశారు.
ఈ టైటిల్‌ మోషన్‌ పోస్టర్‌ ప్లెజెంట్‌ విజువల్స్‌తో, అంతే అందమైన బ్యాక్‌గ్రౌండ్‌ మ్యూజిక్‌తో ఆద్యంతం ఆహ్లాదకరంగా ఉంటూ అందర్నీ ఆకట్టుకుంటోంది. కంటెంట్‌ ఓరియెంటెడ్‌ చిత్రాలను నిర్మిస్తూ యువ ప్రతిభావంతులను ప్రోత్సహిస్తున్న యూవీ కాన్సెప్ట్స్‌ ఈ చిత్రంతో మరో హోల్‌ సమ్‌ ఫ్యామిలీ ఎంటర్‌టైనర్‌ను ప్రేక్షకులకు అందించబోతోంది. ప్రస్తుతం పోస్ట్‌ ప్రొడక్షన్‌ కార్యక్రమాలు జరుపుకుంటున్న ఈ సినిమా సంక్రాంతి కానుకగా జనవరి 14న ప్రేక్షకుల ముందుకు రానుంది.
ఈ చిత్రానికి సినిమాటోగ్రఫీ - కార్తిక్‌ ఘట్టమనేని, ఎడిటర్‌ - సత్య జి, సంగీతం - శ్రావణ్‌ భరద్వాజ్‌, కొరియోగ్రాఫర్స్‌ - యష్‌, విజరు పోలంకి, ఎగ్జిక్యూటివ్‌ ప్రొడ్యూసర్‌ - నరసింహ రాజు, ప్రొడక్షన్‌ డిజైనర్‌ - రవీందర్‌, లైన్‌ ప్రొడ్యూసర్‌ - శ్రీధర్‌ రెడ్డి ఆర్‌, సహ నిర్మాత - అజరు కుమార్‌ రాజు పి, రచన దర్శకత్వం - అనిల్‌ కుమార్‌ ఆళ్ల.
