'స్వాతిముత్యం'తో ఆకట్టుకున్న హీరో బెల్లంకొండ గణేష్‌ నటిస్తున్న రెండో సినిమా 'నేను స్టూడెంట్‌ సార్‌!'.
ఎస్వీ2 ఎంటర్‌టైన్‌మెంట్‌ బ్యానర్‌లో ప్రొడక్షన్‌ నెం.2గా వస్తున్న ఈ యాక్షన్‌ థ్రిల్లర్‌ని 'నాంది' సతీష్‌ వర్మ నిర్మిస్తుండగా, నూతన దర్శకుడు రాకేష్‌ ఉప్పలపాటి దర్శకత్వం వహిస్తున్నారు. తాజాగా మేకర్స్‌ మ్యూజికల్‌ ప్రమోషన్లను ప్రారంభించారు.
డైరెక్టర్‌ గోపీచంద్‌ మలినేని ఈ సినిమాలోని ఫస్ట్‌ సింగిల్‌ 'మాయే మాయే' లిరికల్‌ వీడియోను లాంచ్‌ చేశారు. క్యాచి ట్యూన్‌తో ఆకట్టుకునే మెలోడీగా ఈ పాటని మహతి స్వర సాగర్‌ స్వరపరిచారు.
మహతితో పాటు కపిల్‌ కపిలన్‌ ఈ పాటని మ్యాజికల్‌గా ఆలపించారు. కృష్ణ చైతన్య సాహిత్యం ప్రత్యేక ఆకర్షణగా నిలిచింది. హీరో గణేష్‌కి అవంతిక దస్సానిపై ఉన్న ప్రేమను ఈ పాట వర్ణిస్తుంది. శ్రోతలను ఆకట్టుకోవడానికి కావాల్సిన అన్ని అంశాలు ఈ పాటలో ఉన్నాయి. మహతి మొదటి పాటతోనే చార్ట్‌ బస్టర్‌ నెంబర్‌ని అందించారు. ఈ సినిమా థియేటర్లలో విడుదలకు సిద్ధమవుతోంది అని చిత్ర బృందం పేర్కొంది.
