హీరో ఆది సాయికుమార్‌ నటిస్తున్న మరో యాక్షన్‌ థ్రిల్లర్‌ 'టాప్‌ గేర్‌'.
కె. శశికాంత్‌ దర్శకత్వంలో కె.వి.శ్రీధర్‌ రెడ్డి నిర్మాణ సారథ్యంలో ఈ సినిమా తెరకెక్కింది. ఆదిత్య మూవీస్‌ అండ్‌ ఎంటర్‌టైన్‌మెంట్స్‌ సమర్పణలో శ్రీ ధనలక్ష్మి ప్రొడక్షన్స్‌ బ్యానర్‌ పై సర్వ హంగులతో ఈ సినిమాను రూపొందించారు. ఈనెల 30న ఈ చిత్రాన్ని గ్రాండ్‌గా విడుదల చేయబోతున్నారు. ఈ నేపథ్యంలో లేటెస్ట్‌గా ఈ చిత్ర ట్రైలర్‌ను అగ్ర కథానాయకుడు రవితేజ రిలీజ్‌ చేశారు. ఈ ట్రైలర్‌ని విడుదల చేసిన రవితేజ చాలా బాగా కట్‌ చేశారని, చిత్రయూనిట్‌ మొత్తానికి ఆల్‌ ది బెస్ట్‌ చెబుతూ ఈ సినిమా సూపర్‌ సక్సెస్‌ సాధించడం పక్కా అని అన్నారు. గతంలో ఈ సినిమా టీజర్‌ రిలీజ్‌ చేసిన డైరెక్టర్‌ మారుతి కూడా సినిమాలోని వైవిధ్యాన్ని మెచ్చుకోవడం ఈ సినిమాపై బోల్డెన్ని అంచనాలు క్రియేట్‌ చేసింది. ఈ ట్రైలర్‌లో ప్రతి సన్నివేశం కూడా ఉత్కంఠ భరితంగా ఉంది. ఈ సినిమాలోని వైవిధ్యాన్ని తెలిపేలా ట్రైలర్‌ కట్‌ చేసి, సినిమాపై ఆసక్తి రేకెత్తించారు. ఆది సాయి కుమార్‌ యాక్షన్‌ సీన్స్‌, సాయి శ్రీరామ్‌ సినిమాటోగ్రఫీ అబ్బురపరుస్తున్నాయి. హీరో, హీరోయిన్‌ మధ్య సాగే లవ్‌, రొమాంటిక్‌ సన్నివేశాలు ఎట్రాక్ట్‌ చేస్తున్నాయి. ఈ ప్రేమలో ట్విస్టులు, విలన్స్‌ ఎటాక్‌, హర్షవర్ధన్‌ రామేశ్వర్‌ అందించిన బ్యాక్‌గ్రౌండ్‌ స్కోర్‌ హైలైట్‌గా నిలిచాయి. ఎవర్రా మీరు.. నన్నెందుకు చంపాలనుకుంటున్నారు? అని హీరో ఆది సాయి కుమార్‌ చెప్పే డైలాగ్‌ సినిమాపై క్యూరియాసిటీని పెంచింది. ఈ కథ ట్యాక్సీ డ్రైవర్‌ ఆది సాయి కుమార్‌ చుట్టూ తిరుగుతూ ఆడియన్స్‌కి థ్రిల్‌ ఫీల్‌ తెప్పిస్తుందని ఈ ట్రైలర్‌ స్పష్టం చేసిందని చిత్ర బృందం తెలిపింది.
ఈ చిత్రంలో ఆది సాయికుమార్‌ సరసన రియా సుమన్‌ హీరోయిన్‌గా నటిస్తుండగా, బ్రహ్మాజీ, సత్యం రాజేష్‌, మైమ్‌ గోపి, నర్రా, శత్రు, బెనర్జీ, చమ్మక్‌ చంద్ర కీలక పాత్రలు పోషిస్తున్నారు.
