చిరంజీవి, దర్శకుడు బాబీ కొల్లి (కెఎస్‌ రవీంద్ర) కాంబినేషన్‌లో రూపొందుతున్న మాస్‌ యాక్షన్‌ ఎంటర్‌టైనర్‌ 'వాల్తేరు వీరయ్య'.
అభిమానులకు, ఫ్యాన్స్‌కి థియేటర్లలో పూనకాలు తెప్పించడానికి ఈ సినిమా సిద్ధంగా ఉంది. ఇప్పటికే చిరంజీవి టీజర్‌, రవితేజ టీజర్‌ అభిమానులను ఎంతగానో ఆకట్టుకున్నాయి. బాస్‌ పార్టీ సాంగ్‌ 28 మిలియన్ల వ్యూస్‌ని క్రాస్‌ చేసి రీల్‌ మేకర్స్‌కు ఫేవరెట్‌గా మారింది. లేటెస్ట్‌గా సెకండ్‌ సింగిల్‌ 'నువ్వు శ్రీదేవి నేను చిరంజీవి'ని మేకర్స్‌ విడుదల చేశారు.
లీడ్‌ పెయిర్‌ అందమైన కెమిస్ట్రీని వర్ణిస్తూ సంగీత దర్శకుడు దేవి శ్రీ ప్రసాద్‌ ఈ పాటను స్వయంగా రాసి, అవుట్‌ స్టాండింగ్‌గా కంపోజ్‌ చేశారు. జస్‌ప్రీత్‌ జాస్‌, సమీరా భరద్వాజ్‌ డైనమిక్‌ వోకల్స్‌తో ఎనర్జీని డబుల్‌ చేశారు. ఈ పాట ఆడియన్స్‌ అందర్నీ మెస్మరైజ్‌ చేస్తోంది. చిరంజీవి తన గ్రేస్‌ ఫుల్‌ డ్యాన్స్‌తో పాటను మరో స్థాయికి తీసుకెళ్లారు. మంచుతో కప్పబడిన లొకేషన్‌ ఈ పాటకి మరొక హైలైట్‌. 'మౌత్‌ ఆర్గాన్‌ సిగేచర్‌ స్టెప్‌ పాటకు మరో ఆకర్షణ. రాబోయే రోజుల్లో రీల్‌ మేకర్స్‌కి ఇది కచ్చితంగా ఫేవరెట్‌ అవుతుంది. శేఖర్‌ మాస్టర్‌ ఈ పాటకు కొరియోగ్రఫీ చేశారు. ఈ సినిమా షూటింగ్‌ని యూరప్‌లో పూర్తి చేసుకొని చిరంజీవి హైదరాబాద్‌కు తిరిగి వచ్చారు. సంక్రాంతి కానుకగా జనవరి 13న ఈ సినిమా ప్రపంచవ్యాప్తంగా గ్రాండ్‌గా ప్రేక్షకుల ముందుకు రానుంది. మైత్రీ మూవీ మేకర్స్‌పై నవీన్‌ యెర్నేని, వై రవిశంకర్‌ భారీ స్థాయిలో ఈ చిత్రాన్ని నిర్మిస్తున్నారు. జికె మోహన్‌ సహ నిర్మాత. ఈ చిత్రానికి బాబీ కథ, మాటలు రాయగా, కోన వెంకట్‌, కె.చక్రవర్తి రెడ్డి స్క్రీన్‌ప్లే అందిస్తున్నారు. రైటింగ్‌ డిపార్ట్‌మెంట్‌లో హరి మోహన కృష్ణ, వినీత్‌ పొట్లూరి కూడా పనిచేస్తున్నారు.
